Фото: «24tv.ua»
Чикаго университети эпидемиологи Сара Коби коронавирус эпидемияси тугашининг эҳтимолий сценарийларини санаб ўтди. Бу ҳақда «Scientific American» журналида хабар берилган.
Биринчи сценарийга кўра, вирус мутацияга учраб, хавфи камаяди. Мутахассис 1918 йилги «испанка» пандемиясини мисол тариқасида келтирди. Ўшанда 50 миллион киши ҳаётдан кўз юмган. Вақт ўтиши билан касаллик оддий мавсумий гриппга айланган.
Воқеалар ривожининг иккинчи вариантига кўра, чеклов чоралари туфайли вирус устидан ғалаба қозонилади. 2002-2003 йилларда SARS-CoV коронавируси чақирган атипик пневмония тарқалиши худди шундай бўлганди, дея таъкидлаган эксперт. Ўшанда самарали эпидемиологик назорат касалликнинг кенг тарқалишига йўл қўймади, қурбонлар сони ҳам нисбатан кам бўлган.
Учинчи сценарий – вакцина яратилиб, инфекция тарқалишини тўхтатади. Коби 2009 йилги чўчқа гриппи пандемиясини эсга олди. Эмлаш кампанияларининг шарофати билан иккинчи тўлқин бартараф этилди. Пировард натижада грипп «испанка» тақдирини такрорлади ва мавсумий касалликка айланди.
Эпидемиологнинг фикрича, янги типдаги коронавирусни енгиш учун давлат томонидан кўрилаётган чора-тадбирлар, одамларнинг онги ва илмий ютуқлар мажмуи зарур.
«Коронавирусга қарши курашда 50 фоиз муваффақият ҳукуматнинг қанчалик самарали чора кўриши ҳамда одамларнинг чекловларга сидқидилдан амал қилишига боғлиқ. Қолган 50 фоиз муваффақиятни илм-фан бериши зарур», — дейди мутахассис. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
«Реал Мадрид» устози Карло Анчелотти кечаги ғалабадан сўнг нималар деди?
Қозоғистонлик миллиардерлар сув тошқинидан зарар кўрган ҳудудларга маблағ ажратди
Хотирани яхшилашнинг жуда оддий усули топилди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Қондаги шакар миқдорини тартибга солувчи фойдали мева номи айтилди