Дональд Трамп коронавирус вакцинасига оид муҳим янгилик ҳақида гапирди

^{Фото: Reuters ​}
АҚШ президенти Дональд Трамп яқин вақт ичида маҳаллий олимлар томонидан коронавирусга қарши яратилган вакцина ҳақида “муҳим эълон“ни маълум қилишини айтди.

“Бугун дорилар ва вакциналарнинг терапевтик аҳамияти билан боғлиқ жуда муҳим кун бўлди... Ақл бовар қилмас даражадаги натижаларга эришилди. Айнан нима муҳимлиги эълон қилинади“ деди АҚШ раҳбари.

Президент гап айнан нима ҳақида кетаётганини изоҳламаган. Аммо унинг таъкидлашича, “бозор деярли минг пунктга кўтарилган“.
Олдинроқ Американинг “Moderna” биотехнология компанияси томонидан коронавирусга қарши яратилган вакцина клиник синовларнинг биринчи босқичида ижобий натижалар кўрсатгани ҳақида маълум қилган эди. «Замин»ни Telegram’да ўқинг!