13:13 / 28.05.2020
4 343

Уйсиз қолишдан қўрққан эр ўз хотинини илон ёрдамида ўлдирди

Уйсиз қолишдан қўрққан эр ўз хотинини илон ёрдамида ўлдирди
Фото: «Flickr»
Ҳиндистоннинг Керала штатида эр хотини ётган хонага кобрани киритиб, уни ўлдирди, дея хабар берди «India Today» нашри.

Полициянинг тахмин қилишича, Сураж исмли эркак хотини Утрага икки марта тажовуз қилган. Биринчиси 2 март куни содир бўлган. Ўшанда у турмуш ўртоғининг ётоғига занжирли илонни (гадюка) билдирмасдан киритиб юборган. Заҳарли илон чаққан аёл шифохонада икки ой даволанишга мажбур бўлган. Ҳужумдан сўнг ўзига келиб олиши учун аёлни ота-онасининг уйига олиб боришган.

7 май куни 27 ёшли Сураж хотини билан бирга қолади ва ухлаб ётган аёлига кобрани отади. Бу сафар аёлнинг ҳаётини сақлаб қолишнинг иложи бўлмади.

Бу воқеадан кўп ўтмай Сураж хотинининг мол-мулкига эгалик қилиш ҳуқуқини қўлга киритишга уринган. Бу эса табиийки марҳумнинг ота-онасида шубҳа уйғотган.

Тергов давомида аниқланишича, фожиадан сал олдин Сураж заҳарли илон эгалари билан қўнғироқлашган, шунингдек, интернет орқали судралиб юрувчиларнинг ҳаракатини ўрганган.

Ҳуқуқ-тартибот хлдимларининг сўзларига кўра, Сураж хотини билан ажрашган тақдирда мол-мулксиз қолиш қўрқуви жиноят содир этишга сабаб бўлган.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)