Фото: REUTERS / BLAIR GABLE
RT телеканали ушбу ҳолат акс этган видеони ўз Телеграм-каналида жойлаштирди. Намойиш 5 июнь куни Канада пойтахти Оттава марказидаги парламент биноси яқинида ўтган.
48 ёшли Трюдо ирқчиликка қарши намойиш иштирокчилари билан бирдамликни намоён қилишга қарор қилган. Қора рангли ҳимоя ниқобида ва атрофида тансоқчилар бўлган бош вазир “Адолат йўқ = тинчлик йўқ” деб номланган намойишда пайдо бўлганда, намойишчилар ундан АҚШда полиция томонидан ушланиш вақтида ҳалок бўлган қора танли Жорж Флойд хотирасига бир оёғига тиз чўкишни сўрашган. Бош вазир намойишчилар илтимосини бажариб, тиз чўккан. Шундан кейин минглаб намойишчилар бош вазирсиз ўз юришларини давом эттирганлар.
Бироқ Guardian нашрининг воқеа жойида бўлган мухбирининг таъкидлашича, намойишчилар Трюдонинг тиз чўкишини муносиб баҳолашмаган. Таъкидланишича, бир неча кишигина, жумладан унинг тансоқчилари бош вазирни ушбу иши учун олқишлаб қўйишган. Ижтимоий тармоқларда ҳаттоки Трюдо номига танқидлар ҳам билдирилган.
“Мени бу реклама найранглари қизиқтирмайди, айниқса ҳозир. Сизга бўйсунадиган полициянинг шафқатсизлигига қарши чиқиб, қандай қилиб тиз чўкасиз? Гўёки сизда бу муаммо йўқдек. Уни тасвирга олишаётганини пайқаб, камерага ўгирилиб тиз чўкишини ақлга сиғдириш қийин”, деб айтган канадалик машҳур ёзувчи Андрэ Домиз.
Канада бош вазири аввалроқ бир неча марта ҳам сиёсатчилар, ҳам жамоатчилик томонидан намойишларда ўзини кўз-кўз қилиш учунгина иштирок этишда айбланган. Оттавадаги акциядан бир кун олдин канадалик полициячилар томонидан туб аҳоли - аборигенлар орасидан бўлган 26 ёшли Шантел Мур отиб ўлдирилганди ва намойишчилардан баъзилари унинг сурати туширилган плакатларни ушлаб туришган. Шу воқеадан кейин Трюдо журналистлардан бирининг полицияда қандай ислоҳотлар ўтказмоқчилиги ҳақида берган саволига жавоб бермаган.
Флойднинг ўлими нафақат АҚШда, балки бошқа давлатларда ҳам норозилик намойишларига олиб келди. АҚШнинг кўплаб йирик шаҳарларида намойишлар тартибсизликларга айланиб кетди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Тадбиркорларга қўлланадиган молиявий жарима камайтирилади
Нега Трамп Зеленскийни ёмон кўради?
Сирдарёда бюджетга жуда кўп миқдорда зарар етказган майнинг ферма аниқланди
Зеленский: Россия Украинанинг иссиқлик энергетикасини деярли тўлиқ яксон қилди
