Хитой ўз вакцинасини бутун дунё билан бўлишмоқчи

^{Ван Чжиган.
Фото: «Guoxin.com»}
Хитой ҳукумати мамлакат ишлаб чиқаражак вакциналарни бутун дунё билан бўлишишга ваъда берди. Бу ҳақда «Жэньминь жибао» ёзяпти.
Мамлакат фан ва техника вазири Ван Чжиганнинг айтишича, ХХР раиси Си Цзиньпин 73-Соғлиқни сақлаш бутунжаҳон ассамблеясида тилга олган барча мажбуриятларни Пекин бажаради.

Чжиган ҳозирда бешта вакцина устида иш олиб борилаётгани, уларнинг айримлари синовдан ўтказилаётганини маълум қилди.
«Инсониятнинг эпидемияларга қарши курашиш тарихи кўрсатяптики, уларга қарши туриш учун фундаментал стратегия айнан вакциналарнинг ишлаб чиқарилишидир. Вакциналарни ишлаб чиқаришда, кейинги босқичларда ҳам дунё ҳамкорликни кучайтириши лозим», — таъкидлади Ван Чжиган. «Замин»ни Telegram’да ўқинг!