АҚШ президенти Дональд Трамп агар бу йил ноябрь ойида ўтказиладиган президентлик сайловларида ютқазса, ўз мағлубиятини тан олиб, ҳокимиятни сақлаб қолишга уринмаслигини билдирди. Бу ҳақда у 12 июнь куни Fox News телеканалига берган интервьюсида маълум қилган.
«Албатта, агар мен ғолиб бўлмасам, демак ғолиб бўлмайман. Ўзимнинг бошқа ишларим билан шуғулланаман», — деган Трамп.
Шу билан бирга, унинг мағлуб бўлиши мамлакат учун «жуда аянчли» бўлишини, чунки Демократик партиянинг сиёсати «полиция идораларини йўқ қилиш», шунингдек, ғалаёнларга қарши курашда «ҳеч қандай чора кўрмасликдан» иборатлигини таъкидлаган.
Шу тариқа АҚШнинг амалдаги давлат раҳбари Байденнинг Трамп ютқазса, у сайлов натижаларини «ўғирлашга» ҳаракат қилади, деган гапига муносабат билдирди. Байден шунингдек, Трампни Оқ уйдан ҳарбийлар ёрдамида олиб чиқишга тўғри келишини тахмин қилганди.
Бундан ташқари, Трамп сайловдаги рақиби, мамлакатнинг собиқ вице-президенти Жозеф Байденни қўрқоқликда айблаб, ўзи учун «ертўлада бошпана» яратгани ва у ердан чиқмаганини айтган.
Эслатиб ўтамиз, АҚШ президенлигига сайловлар 2020 йил, 3 ноябрь куни бўлиб ўтади. Бунда амалдаги президент Дональд Трампга ягона рақиб Демократлар партиясидан бўлган 77 ёшли Жо Байдендир.
Аввалроқ Жо Байден Дональд Трамп сайловлардаги мағлубиятини тан олишдан бош тортса, уни ҳарбий тўнтариш кутаётганини маълум қилгани хабар берилган эди. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Тошкентда 02 кодли авторақамлар тахминан қачон пайдо бўлиши айтилди
Владимир Путин «Крокус»да содир этилган теракт учун ўч олишга чақирди
Германияда ишлаш истагида бўлган ўзбекистонлик мутахассислар учун немис тили ўргатилади
Лукашенко Ғарбга таҳдид билан чиқди
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди
Велосипедда сайр қилиш учун 3 сабаб: ёшартиради, оздиради ва умрни узайтиради
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?