20:00 / 22.06.2020
2 949

Жанубий Кореяда расман коронавируснинг иккинчи тўлқини бошлангани эълон қилинди

Жанубий Кореяда расман коронавируснинг иккинчи тўлқини бошлангани эълон қилинди
22 июнь куни тиббиёт соҳаси расмийлари Жанубий Кореяда коронавируснинг иккинчи тўлқини бўлиб ўтаётганини маълум қилишди.

Бундан аввал Корея касалликларни назорат қилиш ва олдини олиш маркази мамлакатда короанвируснинг биринчи тўлқини ҳали тугамаганини айтишганди. Лекин, душанба куни ушбу марказ директори Жеонг Эун-кеунг пойтахт Сеул шаҳри ҳудудида май ойининг бошида вируснинг иккинчи тўлқини бошланганини айтган.

“Бизнинг фикримизча, Сеул ҳудудида коронавируснинг биринчи тўлқини февралдан апрелгача бўлиб ўтди. Кейин май ойининг бошидан ҳозиргача иккинчи тўлқин давом этмоқда” дейди Жеонг.

Жанубий Кореяда февралнинг охирига келиб вирусга чалинганларниг кунлик сони 900 тагача кўтарилди. Ҳукуматнинг вирус занжирини аниқлаш ва текширув учун тезкорлик билан олиб борган ҳаракатлари натижасида апрелгача COVID-19 га чалинганлар сонини кескин тарзда камайтиршга эришилди.

Лекин, май ойининг бошида ижтимоий масофаланиш қоидалари юмшатилганидан кейиноқ вирус тарқалиши яна авж ола бошлади. Янги ҳолатлар асосан Сеулдаги тунги клуб ва барларга келган ёшлар орасида тарқалди.

“Биз аслида коронавируснинг иккинчи тўлқини куз ёки қишда бўлади деб таҳмин қилгандик. Аммо, бизнинг тахминимиз хато бўлиб чиқди. Инсонлар бир бири билан яқин алоқада бўлишда давом этар экан вирус тарқалиши ҳам давом этаверади” дейди Жеонг.

Жанубий Кореяда ҳозиргача 12 483 киши коронавирусга чалинди ва уларнинг 280 нафари вафот этди.

Манба: tarjumon.uz

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Жанубий Кореяда расман коронавируснинг иккинчи тўлқини бошлангани эълон қилинди