Фото: Motor
Мутахассисларнинг таъкидлашича, замонавий автомобиллардаги хавфсизлик тизимлари йўлларда юзага келадиган ўлим ҳолатларини сезиларли даражада камайтиришга қодир, шу сабабли уларни мажбурий этиб белгилаш керак, деб хабар беради Motor.
2019 йилда АҚШда 37 800 киши йўл-транспорт ҳодисаси оқибатида вафот этган. Consumer Reports нашрининг таъкидлашича, америкаликлар йўллардаги ўлим кўрсаткичини икки баробарга камайтириш усулини ўйлаб топган — барча янги автомобилларга замонавий хавфсизлик тизимини қонунчилик тартибида мажбурий қилиб қўйиш.
«Барча учун хавфсизликни таъминлаш ўрнига, автомобиль ишлаб чиқарувчилар истеъмолчиларга машиналарнинг ҳаётий функцияларини ўрганиш ва қўшимча ҳақ тўлаш мажбуриятини юклайди», — дейди Consumer Reports хавфсизлик менежери Уильям Уоллес.
Нашрнинг ҳисоб-китобларига кўра, фавқулодда автоматик тормозланиш, белгиланган йўналиш чизиғидан чиқиб кетишда ва «кўринмас зоналар»да огоҳлантирувчи тизимлар барча янги автомобиллар учун стандарт этиб белгиланса, ҳар йили 11 800 кишининг ҳаётини сақлаб қолиш мумкин. Бундан ташқари, агарда барча янги автомобиллар маст ҳолатда бошқаришни тақиқловчи технология билан жиҳозланса 3700-7400 кишининг, автомобиллар ўртасидаги маълумотлар аламашинуви технологияси эса камида 1300 кишининг ҳаётини сақлаб қолиши мумкин.
Маълумот учун, Ўзбекистонда 2019 йилда жами 6 миллиондан ортиқ йўл ҳаракати қоидабузарлиги қайд этилган. Оқибатда 8588 та йўл-транспорт ҳодисаси содир этилиб, уларда 7943 нафар фуқаро жароҳатланган ва 2096 нафар шахс ҳалок бўлган. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Ўзбекистонда ўтган уч ойда қанча автомобиль ишлаб чиқарилган?
Damas учун онлайн контрактация очилади
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Германиянинг Knauf компанияси Россиядан бутунлай чиқиб кетишини тасдиқлади
Футзал. Осиё Кубоги. Тожикистон Японияни гуруҳда қолдирди
АҚШнинг Суриядаги ҳарбий базасига ракеталар ҳужум қилди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди