REUTERS
Якшанбадан Қозоғистонда яна жамоат транспорти ҳаракати чекланди, одамларга уч кишидан ортиқ юриш тақиқланди. Спорт ииншоотлари ва савдо марказлари ёпилиб, оммавий тадбирлар бекор қилинди. Бу ҳақда bbc.com хабар берди.
Қозоғистон ана шу чекловлар туфайли бутун мамлакат бўйлаб иккинчи марта карантин жорий қилган дунёдаги биринчи давлат сифатида тарихга кирди. Бироқ мамлакатда халқаро парвозлар тўхтатилмаяпти, минтақалараро ҳаракатланиш эркин. Дорихона, озиқ-овқат дўконлари ва бозорлар фаолиятига рухсат берилган.
Манбада айтилишича, Қозоғистонда олдинги карантин чоралари 16 мартдан 11 майга қадар амал қилган. Янги чекловлар икки ҳафта давом этиши керак. Аммо биринчи марта карантин жорий қилинган пайтда Қозоғистонда коронавирусга чалинганлар сони ҳозиргидан беш баробар кам ёки 9 минг нафар эди. Ҳозир эса бу кўрсаткич 48 минг 500 нафарни ташкил этмоқда.
Карантин чоралари бекор қилинган 11 майнинг ўзида 5100 та янги ҳолат қайд этилган. Аксар қозоғистонликлар ижтимоий масофа сақлаш ва ниқоб тақиш ҳақидаги тавсияларга риоя қилмагани, таътил учун хорижий мамлакатларга йўл олгани айтилади.
Айни пайтда Президент Қосим-Жўмарт Тоқаев Қозоғистон коронавирусга қарши курашни бой бераётгани ва ҳукумат вазиятни назорат қилмаётгани ҳақидаги танқидларни рад этган.
Тоқаев Қозоғистон матбуотига берган интервьюсида ҳукумат вирусни жиловлаш бўйича барча зарур чораларни кўраётганини айтиб, мамлакат аҳолисини карантин тартибига қатъий амал қилиш ва санитария қоидаларини сақлашга чақирган. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
«Реал Мадрид» устози Карло Анчелотти кечаги ғалабадан сўнг нималар деди?
Эрдўғон: «Исроил Гитлердан ҳам ўтиб кетди»
“Ювентус” ҳимоясини титратиб ташлаган Шомуродовнинг ўйини қандай баҳоланди?
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Сирдарёда бюджетга жуда кўп миқдорда зарар етказган майнинг ферма аниқланди
Хотирани яхшилашнинг жуда оддий усули топилди