Қозоғистонда дори-дармон ажиотажи бошланди. Тоқаев фуқароларни саросимага берилмасликка чақирди

^{Фото: Tengrinews}
Қозоғистон президенти Қосим-Жўмарт Тоқаев дори-дармонга талаб ошиб кетгани ортида аҳолига мурожаат қилди. У фуқароларни саросимага берилмасликка чақирган.

“Ҳуқуқ-тартибот идоралари менинг топшириғимга кўра дори-дармон чайқовчилиги билан шуғулланаётганларни ушлашни бошлади. Фуқароларни дори-дармон билан таъминлаш бўйича иш давом этмоқда. Фуқароларга дори-дармонга талаб ошишига олиб келувчи саросимага берилмаслик илтимоси билан мурожаат қиламан”, деб ёзган Қозоғистон президенти Twitter’да.

Бир кун аввал Қозоғистондаги дорихоналарда дори танқислиги сабабли одамлар ижтимоий тармоқлар орқали бир-бирларидан ёрдам сўраётганлари маълум қилинган. Кўпчилик зарур дорини исталган пулга сотиб олишга тайёрлигини ёзган.

Манба: Kun.uz «Замин»ни Telegram’да ўқинг!