06:00 / 03.08.2020
2 438

Коронавирусга қарши кучли иммун реакция ҳаёт учун хавфли бўлиб чиқди

Коронавирусга қарши кучли иммун реакция ҳаёт учун хавфли бўлиб чиқди
Фото: «MedicalXpress»
Коронавирус одам организмига тушгач, кучли иммунитет реакциясига сабаб бўлади. У эса ўз навбатида инфекция тарқалишига қарши курашишга халақит беради. Сан-Франциско университети олимларининг бу хулосаси «MedicalXpress» порталида чоп этилган.

Экспертларнинг аниқлашича, организм касалликни юқтиргандан бир неча дақиқа ўтгач вирусга қарши курашишга киришади. Айнан иммунитетнинг тезкор ва кучли реакцияси туфайли касалликнинг 11-куни беморларда кўпинча оғир пневмония келиб чиқади. У ўткир респираторли дистресс-синдром деб ҳам аталади.

Шунингдек, олимлар ўз тадқиқотлари орқали коронавирус нафақат одамнинг нафас олиш тизимлари ҳужайраларига, балки бошқа аъзоларга ҳам киришини аниқлашди. У одам ҳужайрасининг ҳимоя тўсиқларини бемалол ёриб ўтадиган оқсилли «тиғлар» ёрдамида ҳаракат қилади. Шунга қарамай, нафас олиш тизими инфекциянинг организмга кириши учун энг осон йўл ҳисобланади.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)