5 406
Билл Гейтс коронавирусга қарши қайси дорилар самарали эканлигини ва пандемия қачон тугашини айтди
Миллиардернинг сўзларига кўра, бой давлатларда коронавирус пандемияси 2021 йил охирида тугайди.
Айрим мамлакатлар етарли даражада текширувдан ўтмаган ва давлат органлари томонидан маъқулланмаган коронавирусга қарши вакциналар билан одамларни эмлашади, деди Microsoft ҳаммуассиси Билл Гейтс The Wired нашрига берган интервьюсида.
«Хитой ва Россия катта тезликда кетмоқда. Дунёнинг қаеридадир кўплаб беморлар тўлиқ ўрганилмаган вакциналар билан эмланишига ишончим комил. Синовларнинг учинчи босқичига қарамасдан, салбий таъсирларни ўрганиш учун бизга уч-тўрт ой керак», — деди Гейтс.
Миллиардернинг сўзларига кўра, бой давлатларда коронавирус пандемияси 2021 йил охирида тугашини айтди. Дунёнинг қолган қисмида эса 2022 йил охирида.
Гейтс ремдесивир ва дексаметазон дориларини коронавирусга қарши самарали воситалар деб атади. Унинг айтишича, бошқа дорилар ҳам ремдесивир ёки дексаметазон асосида тайёрланади, чунки фақат ана шу дориларгина COVID-19дан даволашда ижобий таъсир кўрсатган.
Бундан ташқари, миллиардер пандемия унинг ҳаётини қандай ўзгартириб юборганини айтди. Гейтснинг сўзларига кўра, у кўп саёҳат қилишга ўрганиб қолган, ҳозир эса бунинг иложи йўқ.
«Агар президент Макрон билан учрашиш ва унга «Коронавирусга қарши вакцинага пул бер» демоқчи бўлсам, қанчалик жиддийлигимни кўрсатиш учун Францияга йўл олган бўлардим. Энди эса GAVI саммитини ўтказдик ва мен саммит давомида уйда ўтирдим», — деди Гейтс.
Унинг қўшимча қилишича, пандемиянинг ижобий томонлари ҳам бор: унинг фарзандлари кўпроқ вақт уйда бўлишмоқда.
Билл Гейтс ҳозирда Microsoft техник маслаҳатчиси ҳисобланади. У асосий вақтини хайрия жамғармаси ишларига сарфлайди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
Нега Трамп Зеленскийни ёмон кўради?
Зеленский: Россия Украинанинг иссиқлик энергетикасини деярли тўлиқ яксон қилди
Қондаги шакар миқдорини тартибга солувчи фойдали мева номи айтилди