19:15 / 30.09.2020
1 296

Мексикалик балиқчи ўзидан ҳам катта балиқ тутиб олди (фото)

Мексикалик балиқчи ўзидан ҳам катта балиқ тутиб олди (фото)
Фото: News Daily
Мексиканинг Оахака штати Пуэрто-Эскондидо шаҳрида яшовчи ёш балиқчи улкан елканчи балиқни тутиб олди. Бу ҳақда News Daily хабар берди.

Битта балиқ ови мобайнида 22 ёшли Давид Монкада 49,50 ва 56 килограмм оғирликдаги учта елканчи балиқни тутиб олди.
Сўнгги балиқ унинг «фаолияти» мобайнидаги энг катта ўлжа бўлди. Суратда балиқнинг узунлиги балиқчининг бўйидан ҳам узунлигини кўриш мумкин.

Монкада балиқчиликка болалигидан қизиқиб қолган. Авваллари у денгизга ўз отасининг қайиғида чиқарди.

Фото: News Daily

Фото: News Daily
Эндиликда унинг ўз кемаси бор ҳамда балиқ ови хоббидан даромад манбайига айланган. Монкаданинг айтишича, бир йил давомида у ярим тонна балиқ тутишга муваффақ бўлган.

Елканчи балиқнинг узунлиги 3,5 метрга етади, у соатига 100 километр тезликда суза олгани учун дунёдаги энг чаққон балиқ ҳисобланади.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)