Фото: Reuters
Озарбойжон ва Арманистон 10 октябрь куни соат 12:00дан бошлаб Тоғли Қорабоғда ўт очишни тўхтатиш тўғрисида келишиб олди. Бу ҳақда Озарбойжон Ташқи ишлар вазирлиги хабар берди.
Москвада Озарбойжон ва Арманистон ташқи ишлар вазирлари Жайхун Байрамов ва Зограб Мнацаканян ўртасидаги музокаралар якунлари бўйича оташкесим тўғрисида битим имзоланди.
Россия ташқи ишлар вазири Сергей Лавров воситачилигида уларнинг учрашуви ёпиқ шаклда бўлиб ўтди ва ўн соатдан кўпроқ давом этди. Учрашув шанба куни кечки соатларда якунига етди.
"Томонлар қуйидаги қадамлар тўғрисида келишиб олди:
1) Ҳарбий асирларни ва ушлаб турилган бошқа шахсларни ҳамда ҳалок бўлганларнинг жасадларини алмаштириш ва Халқаро қизил хоч мезонларига мувофиқ гуманитар мақсадларда 2020 йил 10 октябрь соат 12:00дан бошлаб ўт очишни тўхтатиш эълон қилинади;
2) Оташкесим тартибининг ўзига хос параметрлари қўшимча равишда келишилади;
3) Озарбойжон Республикаси ва Арманистон Республикаси ЕХҲТ Минск гуруҳи ҳамраислари воситачилигида, келишувнинг асосий тамойиллари асосида, иложи борича тезроқ тинч йўл билан келишувга эришиш мақсадида музокараларни бошлайди;
4) Томонлар музокара жараёни шаклининг ўзгармаслигини тасдиқлайдилар", - дейилади Сергей Лавров томонидан уч томонлама маслаҳатлашувлар натижалари бўйича ўқиб эшиттирилган баёнотда.
Тоғли Қорабоғдаги уруш 27 сентябрда бошланди. Озарбойжон ва Арманистон қўшинлари ўртасида жанглар фронтнинг бир нечта қисмида олиб борилмоқда. Дронлар, артиллерия, оғир техника ва ракета тизимларидан фойдаланилди. Фронтнинг иккала томонидан ҳам тинч аҳоли ўққа тутилди, ўнлаб одамлар ҳалок бўлди. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Зеленский: Россия Украинанинг иссиқлик энергетикасини деярли тўлиқ яксон қилди
Қондаги шакар миқдорини тартибга солувчи фойдали мева номи айтилди