Фото: Reuters
АҚШ президенти Дональд Трамп коронавирусга чалинган бошқа одамлардан фарқли ўлароқ, даволаниш курсидан сўнг ўзини кучли ва бақувват ҳис қилаётганини айтди. Бу ҳақда у 9 октябрь куни Fox News телеканалига берган интервьюсида айтиб ўтди, дея хабар бермоқда «Корреспондент».
«Мен ўзимни чиндан ҳам яхши ва кучли ҳис қиляпман. Кўпчилик коронавирус ёки Хитой вируси билан касалланганини биламан. Мен ўзимни кучли ҳис қиляпман, лекин бу нарса кўп одамларда кузатилмади», – деди Трамп.
Унда қандай аломатлар кузатилгани ҳақидаги саволга президент ўзини унчалик кучли ҳис қилмагани, аммо нафас олиш билан боғлиқ муаммоларни сезмаганини айтди.
«Мен АҚШ президенти ҳис қилиши керак бўлган ҳаётий кучни тўла ҳис қилмадим», – дея қўшимча қилди давлат раҳбари.
Трамп ўз шифокорларини «дунёдаги энг яхши» деб атади. Унинг айтишича, шифохонада бўлганида у чарчоқ ҳиссини ва одатий энергия етишмаётганини ҳис қилган.
«Мен Regeneron дорисини қабул қилдим. 24 соатдан кейин ўзимни бошқача ҳис қила бошладим ва касалхонадан эртароқ чиқиб кетдим. Энди ўзимни жуда яхши ҳис қиляпман», – дейди АҚШ президенти.
Президентнинг таъкидлашича, шифокорлар уни узоқроқ кузатиш учун олиб қолишмоқчи бўлган.
«Мен у ерда уч ярим кун бўлдим, шифокорлар узоқроқ қолишимни хоҳлади. Лекин мен биринчи кундан бошлаб касалхонадан кетишни хоҳладим», – дейди Трамп
Шунингдек, Оқ уй раҳбари яқинда яна бир бор коронавирус таҳлили учун тест топширганини маълум қилди.
«Ҳали аниқ натижаларни билмайман, лекин мен яна бир марта тест топширдим. Мен биламан, танамда вирус ниҳоятда кам ёки умуман йўқ», – деди Трамп.
Эслатиб ўтамиз, Дональд Трампда 1 октябрь куни коронавирус аниқланди. АҚШ президенти бир неча кун касалхонада даволанди ва у ердан 5 октябрь куни чиқди. У оғир аҳволдаги бемор сифатида даволангани ҳақида хабар берилди, бироқ Трампнинг ўзи ҳам, уни даволаётган шифокорлар ҳам президент ўзини яхши ҳис қилаётганини билдирган. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Россия дунёдаги биринчи водород ёқилғили автомобилни тақдим этди
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Америкалик олимлар барча учун бирдек фойдали жисмоний фаоллик турини аниқлади
Зоир Мирзаев “Телефонсиз мактаб”га 300 млн сўм мукофот берди
Германияда мактаб ўқувчилари оммавий равишда ислом динини қабул қилмоқда
Мария Захарова украиналикларни Америка ҳиндуларига ўхшатди