21:53 / 20.10.2020
1 239

АҚШда жиноятчи дрон ёрдамида «қўлга олинди» (видео)

АҚШда жиноятчи дрон ёрдамида «қўлга олинди» (видео)
Кадр: Facebook
Атланта полиция департаменти жиноятчининг учувчисиз бошқариладиган учиш қурилмаси ёрдамида қўлга олингани тасвирланган видео билан бўлишди, деб хабар беради Hi-Tech.Mail.ru.

АҚШнинг Атланта штати детективлари қотилликда гумонланаётган шахснинг изига тушган ва уни қўлга олиш бўйича махсус операцияга тайёргарлик кўрган. Фақат жиноятчини одатдаги равишда қўлга олиш ўрнига бу сафар дрондан фойдаланилган.

Дастлаб улар гумонланувчининг квартирасига кириш учун унинг эшигига портловчи қурилма ўрнатган. Шундан сўнг уйга дрон учиб кирган. Полиция овоз кучайтиргичлар ёрдамида айбланувчидан ташқарига қўлларини кўтарган ҳолда чиқишни талаб қилган. Ташқарида эса полиция ходимлари унинг қўлига кишан таққан.

Гумонланувчини қўлга олиш жараёни дрон камералари ёрдамида суратга олинган: ВИДЕО

Эслатиб ўтамиз, 2018 йилнинг июнида Самарқанд вилоят ИИБ ҳам жиноятчиликнинг олдини олиш, содир этилган жиноятларни изидан очиш ва фош этиш, инновацион технологияларни қўллаш, илғор тажрибаларни амалиётга жорий этиш мақсадида дрон технологиясидан тажриба тариқасида фойдаланишни йўлга қўйганди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)