12:34 / 01.11.2020
2 975

Мен карикатураларни қўллаб-қувватлаганим йўқ - Макрон ўзини нотўғри тушунишгани ҳақида гапирди

Мен карикатураларни қўллаб-қувватлаганим йўқ - Макрон ўзини нотўғри тушунишгани ҳақида гапирди
Фото: Reuters
Франция президенти Эмманюэль Макрон Франция ҳукуматининг 2015 йилда Charlie Hebdo журналида чоп этилган пайғамбар карикатураларига ҳеч қандай алоқаси йўқлигини ва мусулмонларнинг бундай карикатуралар сабабли кечираётган ҳис-туйғуларини тушунишини айтди. У бу ҳақда Al Jazeera телеканалига берган интервьюсида айтиб ўтди.

Сиёсатчининг таъкидлашича, бу карикатураларни Франция ҳукуматига алоқаси бўлмаган мустақил нашр чоп этган. “Бу ҳукумат лойиҳаси эмас”, деб таъкидлаб ўтган Макрон.

Франция президенти мусулмонларнинг пайғамбарга карикатуралардан ғазабга тушаётганларини тушунишини ва ислом оламида Францияга қарши ўтаётган норозиликлар Париж яқинида содир этилган терактдан кейин айтган сўзлари нотўғри талқин этилгани сабабли бошланганини айтган. “Одамлар буни гўёки мен бу расмларни қўллаб-қувватлашимдек тушунишди, бироқ бундай эмас”, деб айтган Франция президенти.

Мен бундай ҳис-туйғуларни тушунаман ва ҳурмат қиламан. Бироқ менинг ролим нимадан иборатлигини тушунишингиз керак. У иккита нарсани таъминлаши керак: тартибни ва ҳукуқлар ҳимоясини”, деб айтган Макрон ва Францияда “эркин гапириш, ёзиш, фикрлаш, расм чизиш” ҳуқуқини доим ҳимоя қилишини қўшимча қилган.

16 октябрда Париж яқинидаги Кофлан-Сент-Орион шаҳри коллежларидан бири ўқитувчиси, ўз ўқувчиларига Муҳаммад алайҳиссаломга карикатураларни намойиш қилган Самуэл Пати ўлдирилганди. Уни ўлдиришда чечен миллатига мансуб 19 ёшли Абдулак Анзоров гумон қилинмоқда. Анзоров Twitter’да ўқитувчини пайғамбарни ҳақорат қилгани учун “қатл этгани” ҳақида хабар қолдирган.

Макрон ушбу қотилликни “ислом террорчилигига хос хатти-ҳаракат” деб атаб, “ислом дини дунё бўйлаб инқироз ҳолатини бошдан кечирмоқда” деб айтган. Макрон бу билан ИШИД жиҳодчилари, ваҳобийлик ва салафийлик каби йўналишларни назарда тутган. «Биз дунёдаги барқарорлик ва тинчликка мос бўлмаган сиёсий Исломга ишонмаймиз», деган у.

Макроннинг бу сўзлари кўплаб давлатларда мусулмонларнинг ғазабига сабаб бўлган. Улар Франция ва Макронга қарши норозиликлар билдира бошлашган. Намойишчилар Франция байроғи ва Макрон суратларини топташган. Бундай норозилик акциялари Покистон, Ливан, Туркия, Фаластин ва бошқа кўплаб давлатларда бўлиб ўтди.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Мен карикатураларни қўллаб-қувватлаганим йўқ - Макрон ўзини нотўғри тушунишгани ҳақида гапирди