Фото: Global Look Press
Демократлар партиясидан АҚШ президентлигига номзод Жо Байден мурожаат билан чиқиб, унда сайловларда ғалабага эришганини эълон қилмаган. Бироқ у овозлар ҳисоб-китоби якунлангач барибир ғолибликни қўлга киритишга ишонишини билдирган, деб хабар беради «РБК».
«Бу ерда ютганимизни эълон қилиш учун турганим йўқ. Бироқ шуни маълум қилмоқчиманки, овозлар ҳисоб-китоби якунлангач биз ғалаба қозонамиз», — дейди Байден.
Байденнинг таъкидлашича, у сайловларда ғолиб чиқиш учун етарлича штатда етакчилик қилмоқда. Шунингдек, у ушбу ғалаба — бу «Америка халқи ва демократларнинг ғалабаси» эканлигини маълум қилган.
Президентликка номзоднинг сўзларига кўра, аввалроқ Дональд Трамп штаби овозларни ҳисоблаш жараёнини тўхтатиб қўйишга уринган Пенсильвания штатида «яхши натижалар»ни қайд этган.
Сўнгги маълумотларга кўра, Байден 95 фоиз бюллетенлар ҳисоб-китоби бўйича Висконсинда ғалаба қозонмоқда — унда 49,6 фоиз овоз. Трампда эса 48,9 фоиз. Мичигандаги 99 фоиз бюллетенлар ҳисоби бўйича ҳам Демократлар партияси номзоди етакчи — 49,9 фоиз.
Шу билан бирга, Трампнинг сайловолди штаби суддан Мичиган ва Пенсильваниядаги овозларни ҳисоблаш жараёнини тўхтатишни, шунингдек, Висконсинда натижаларни қайта кўриб чиқишни талаб қилган.
Аввалроқ Дональд Трамп Оқ уйда тарафдорлари олдида чиқиш қилиб, «биз барчасини ютдик» деган эди. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Ўзбекистонда ўтган уч ойда қанча автомобиль ишлаб чиқарилган?
Damas учун онлайн контрактация очилади
АҚШнинг Суриядаги ҳарбий базасига ракеталар ҳужум қилди
Владимир Путин «Крокус»да содир этилган теракт учун ўч олишга чақирди
Футзал. Осиё Кубоги. Тожикистон Японияни гуруҳда қолдирди
Америкалик олимлар барча учун бирдек фойдали жисмоний фаоллик турини аниқлади