10:40 / 21.11.2020
891

Трамп унга қарши фитна уюштирилганини айтмоқда

Трамп унга қарши фитна уюштирилганини айтмоқда
Фото: REUTERS / Carlos Barria
АҚШ президенти Доналд Трамп сайловларда мағлуб бўлишига фармацевтика ва технологиялар соҳасидаги йирик компаниялар, шунингдек оммавий ахборот воситалари туртки бўлганини айтди.

«Йирик фармацевтика компаниялари сайлов олди кампанияси давомида менга қарши миллионлаб долларлик негатив рекламаларни бошладилар. Йирик фармацевтика компаниялари, ОАВ бизга қарши эди. Технологик компаниялар бизга қарши эди», – деди Трамп.

Шунингдек, у йирик дори ишлаб чиқарувчиси «Pfizer» компаниясини амалдаги президентнинг ғалаба қозониш имкониятини оширмаслик учун Германиянинг BioNTech компанияси билан биргаликда ишлаб чиқилган вакцинанинг муваффақияти тўғрисидаги хабарларни атайлаб кечиктирганликда айблади.

АҚШда президент сайлови 3 ноябр куни бўлиб ўтди. Американинг етакчи оммавий ахборот воситалари демократ Жозеф Байденнинг ғалабасини эълон қилди. Кўплаб дунё раҳбарлари уни аллақачон табриклашга улгуришди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)