Фото: Picture-alliance
Германияда ногиронлар ва қарияларни парваришлаш хизмати ходимлари коронавирусга қарши эмланишдан бош тортгани учун ишдан бўшатилди. Германияда ушбу тоифадаги хизматчилар вакцинани биринчи навбатда олувчилар гуруҳига киради.
Bild нашрининг хабар беришича, қариялар ва ногиронларни парваришлаш билан шуғулланувчи компания коронавирусга эмланишни истамаган 7 ходимини бўшатиб юборган. Шу билан бирга, Германияда эмлаш ихтиёрий тарзда ўтказилмоқда ва эмланишни истамаганларнинг ишдан бўшатилиши биринчи марта юз бермоқда.
“Ушбу қарорни компания раҳбари қабул қилди. У бундан олдин ходимларига бир қарорга келиш учун икки кун муҳлат берган. Бироқ улар эмланишдан бош тортишган”, деб маълум қилган нашр.
Таъкидланишича, 3 ходим вакцина олишни истамаган, яна 4 ходим берилган муҳлат ичида бир қарорга кела олмаган. Натижада уларнинг барчаси ишдан бўшатилган.
“Мен мижозларимизни ҳимоялаш учун барча ишни қиламан. Бу бурчимдир”, деб ўз қарорини тушунтирган компания раҳбари.
Нашр маълумотларига кўра, шундан кейин компания эгасига эмлашга қарши чиқувчилар томонидан турли таҳдидлар қилина бошланган.
Германияда коронавирусга қарши эмлаш декабр охирида бошланди. Мамлакат 2020 йил охирида BioNTech ва Pfizer компанияларининг 1,3 млн дозадан кўпроқ вакцинасини олганди. 2021 йил бошига яна 4 млн доза етказиш белгиланганди. Бироқ АҚШ ва немис компанияларининг вакцина етказилиши муддатлари сурилиши мумкинлиги ҳақидаги хабаридан кейин ушбу муддатлар чўзилиши мумкин. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Мария Захарова украиналикларни Америка ҳиндуларига ўхшатди
Велосипедда сайр қилиш учун 3 сабаб: ёшартиради, оздиради ва умрни узайтиради
Владимир Путин «Крокус»да содир этилган теракт учун ўч олишга чақирди
Германияда ишлаш истагида бўлган ўзбекистонлик мутахассислар учун немис тили ўргатилади
Америкалик олимлар барча учун бирдек фойдали жисмоний фаоллик турини аниқлади
Учар автомобил йўловчи билан биринчи парвозини амалга оширди (видео)
“Толибон” Афғонистоннинг Хост вилоятида беш нафар фуқарони қамчи билан жазолади
Хитой АҚШни «қизил чизиқлар»ни кесиб ўтишдан огоҳлантирди ва «душман эмас, ҳамкор» бўлишга чақирди
