Американинг Висконсин штатида яшовчи олтмиш ёшли аёл Туркиянинг “Тирилиш Эртуғрул” сериали таъсирида исломни қабул қилди ва исмини Хадича деб ўзгартирди.
“Анадолу” агентлигига интервью берган аёл “Нетфликс”да тасодифан турк сериалини кўриб қолганини айтди. “Мен умуман бехабар бўлган тарих ҳақида ҳикоя қилинган экан. Аллоҳ, ислом, адолат ва мазлумларга ёрдам ҳақида эшитганларим эътиборимни тортди”, – дейди у.
Хадича “Тирилиш Эртуғрул” сериалига шунчалик қизиқиб қолдики, уни тўрт марта томоша қилди, ҳозир бешинчи марта кўряпти. “Сериални тез-тез тўхтатиб, тилга олинган мавзулар ҳақида манба қидираман. Ислом, мусулмонлар тарихи ва усмонийлар салтанати ҳақида интернетда бошқа видеоларни ҳам излаб, кўпроқ маълумот олиш учун томоша қиламан, – дейди аёл. – Яхшиямки, кўрган эканман, бу сериал кўзимни очди, ислом билан танишдим”. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
