21:08 / 14.02.2021
693

Билл Гейтснинг қизи коронавирусга қарши эмланиб, «чиплаштириш»га шама қилди

Билл Гейтснинг қизи коронавирусга қарши эмланиб, «чиплаштириш»га шама қилди
Фото: «The-sun.com»
Миллиардер Билл Гейтснинг қизларидан бири SARS-CoV-2 коронавирусига қарши эмланган. У бу ҳақда «Instagram»да маълум қилди.

24 ёшли Женнифер Гейтс ҳозирча зарур бўлган иккита дозадан фақат биттасини олган. Суратда қиз «Мен COVID-19га қарши вакцинамни олдим» деган стикерни намойиш қилмоқда. Бошқалар ҳам вакцинация ҳақида ўйлаши керак, деди у. «Қанча кўп одам иммунитетга эга бўлса, шунча кўп ҳамма учун хавфсиз бўлади», — дея тушунтирди у.

«Aфсуски, вакцина менга доно отамнинг миясини жойлаштирмади, — дея ҳазиллашди Женнифер Гейтс. — Қани эди mRNA шундай кучга эга бўлса».

У Билл Гейтс одамларни чиплаштиришни ният қилаётгани ҳақидаги туҳматга шама қилди.

Aввалроқ миллиардер COVID-19 га қадар ҳам шу каби бўҳтонларга дуч келганини тан олди ва вакциналарга бўлган ишончсизлик пандемияга қарши курашни секинлаштиришидан огоҳлантирди. Билл Гейтснинг ўзи 22 январдаёқ эмланган.

Женифер Гейтс — дунёдаги энг бой одамлардан бири ҳисобланувчи, бойлиги 124,3 миллиард долларга баҳоланган, Microsoft асосчиси Билл Гейтснинг қизи. У Стенфорд университетида тиббий таълим олмоқда. 2020 йилда унинг турмуш ўртоғи от мусобақаси билан шуғулланувчи мисрлик таниқли спортчи 28 ёшли Найель Нассар эканлиги ойдинлашди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)