Покистон полициясида махсус бўлим офицерлари қонунбузарларни ғилдиракли конкиларда таъқиб қилади

^{Фото: TJournal}
Покистонда ҳуқуқни муҳофаза қилиш органлари қонунбузарларни таъқиб қилишнинг ғайриоддий усулини, яъни ғилдиракли конки бошқаришни ўзлаштирмоқда. Бу ҳақда «Korrespondent.net» хабар берди.

Таъкидланишича, 20 миллион аҳолига эга Карачи шаҳрида полициянинг 20 кишилик махсус таркиби қонунбузарларни осон таъқиб қилиш учун ғилдиракли конки машқларида қатнашмоқда. Полициячилар зинапоядан сакрашни, ҳаракат вақтида ўқотар қуролдан фойдаланишни ва тез ҳайдашни машқ қиляпти.

Ҳуқуқ-тартибот идоралари вакилларининг айтишича, шаҳардаги ўғрилар кўпинча ўткинчиларнинг ҳамён ёки телефонларини ўғирлаб, тор кўчаларда яширинишга ҳаракат қилади. Шунинг учун ғилдиракли конкилар ўғриларни осон ва хавфсиз таъқиб қилишга ёрдам беради.

Шаҳар кўчаларида биринчи ғилдиракли конки патруллари кейинги ойдан иш бошлайди.

Янгиликлар