13:13 / 28.03.2021
918

Байден Путин ва Цзиньпинни иқлим ўзгаришлари бўйича ўтказиладиган саммитга чорлади

Байден Путин ва Цзиньпинни иқлим ўзгаришлари бўйича ўтказиладиган саммитга чорлади
Фото: Reuters
АҚШ президенти Жо Байден Россия давлат раҳбари Владимир Путинни 22—23 апрель кунлари бўлиб ўтадиган ва 40 нафар дунё етакчиси иштирок этадиган иқлим ўзгаришларига бағишланган онлайн-форматдаги учрашувга таклиф қилди. Бу ҳақда «РИА Новости» хабар берди.

Байден журналистлар билан суҳбатда иқлим ўзгаришлари муҳокама қилинадиган навбатдаги саммитга таклиф қилинганлар қаторида Россий президенти ва Хитой раҳбари ҳам борлигини маълум қилган. АҚШ президенти уларнинг ушбу таклифдан хабардорлиги, бироқ бу борада икки давлат раҳбарлари билан шахсан суҳбатлашмаганини айтган.

Оқ уй эълон қилган рўйхатга кўра, саммитга Россия, Хитой, Буюк Британия, Ҳиндистон, Туркия ва Япония давлатларининг раҳбарлари таклиф этилган.

Вашингтон онлайн трансляция қилинадиган саммитда иқлим ўзгаришлари бўйича жаҳон ҳамжамиятини қийнаётган, тезкор равишда ҳал этилиши тақозо қилинадиган муаммолар, иқтисодий тарафдан фойда келтириши мумкин бўлган ташаббуслар муҳокама қилинишини маълум қилган.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Дунё » Байден Путин ва Цзиньпинни иқлим ўзгаришлари бўйича ўтказиладиган саммитга чорлади