19:44 / 05.04.2021
535

Индонезия ва Шарқий Тимордаги кўчки ва тошқинлар оқибатида 52 киши ҳалок бўлди

Индонезия ва Шарқий Тимордаги кўчки ва тошқинлар оқибатида 52 киши ҳалок бўлди
Фото: Express К
Индонезиянинг шарқий қисмида ва унга қўшни бўлган Шарқий Тиморда кучли ёғингарчиликлар кетма-кет кўчки ва тошқинларни келтириб чиқарди, бунинг натижасида 52 киши қурбон бўлди. Бу ҳақда «Интерфакс» хабар берди.

Индонезиянинг Табиий офатлар оқибатларини бартараф этиш агентлигининг маълумотларига кўра, мамлакатда энг камида 41 киши қурбон бўлди, 27 киши бедарак йўқолди.

Шарқий Нуса-Тенгара провинциясининг Адонара оролидаги Ламенеле аҳоли пунктида ўнлаб уйлар кўчки остида қолди. Фавқулодда ҳолатлар бўйича маҳаллий агентлик раҳбари Ленни Оланинг хабар беришича, қутқарувчилар 35 кишининг жасадини топди ва энг камида беш киши жароҳатланди.

Оян Баян қишлоғида эса 40 та уй вайрон бўлди. Вайроналар ичида уч кишининг жасади топилди. Юзлаб аҳоли уйларини ташлаб кетишига мажбур бўлди. Байбуракда (Индонезиядаги қишлоқ номи) уч киши қурбон бўлди, етти киши бедарак йўқолди.

Оланинг маълумотларига кўра, кўчки Адонара оролидаги бешта кўприкни бузиб юборди.
Бундан ташқари, кўчкилар Дили шаҳрида (Шарқий Тимор пойтахти) 11 кишининг ўлимига сабаб бўлди.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Дунё » Индонезия ва Шарқий Тимордаги кўчки ва тошқинлар оқибатида 52 киши ҳалок бўлди