12:38 / 11.04.2021
2 813

Боксчи 17 йилга озодликдан маҳрум этилди

Боксчи 17 йилга озодликдан маҳрум этилди
Фото: «Archynewsy.com»
Бельгиялик собиқ профессионал боксчи Фарид Ҳакими серияли жиноятларда айбдор деб топилди. Бу ҳақда «The Brussel Times» нашри хабар берган.

Ҳакими 2015 йилдан 2017 йилгача жиноий тўда таркибида жиноятларни содир этган. Тўда бошлиғи ҳисобланган Ҳакими 17 йилга озодликдан маҳрум этилди. Судда ҳаммаси бўлиб 18 киши жавобгарликка тортилди. Ҳакими мазкур иш бўйича айбланган ягона машҳур шахс эмас. Шунингдек, телебошловчи Стефани Пауелс битта эпизодда қатнашгани учун 30 ойлик шартли қамоқ жазосини олди.

«Мен аҳмоқлик қилдим ва бу жиддий оқибатларга олиб келди», — дея ҳукмни изоҳлади Ҳакими. У ўз айбига иқрор бўлган.

Ҳакими сўнгги жангини 2017 йилда ўтказган. Унинг ҳисобида 11 ғалаба ва 2 мағлубият бор. 2016 йилда Бутунжаҳон бокс ассоциациясининг (WBA) International унвони учун кечган баҳсда британиялик Том Фаррелга имкониятни бой берган.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Дунё » Боксчи 17 йилга озодликдан маҳрум этилди