Нидерландияда нафақахўр эр-хотин 3D усулда чоп этилган уйга кўчиб ўтди

^{Фото: The Guardian}
Нидерландияда нафақахўрлар жуфтлиги тўлиқ 3D технологияси ёрдамида қурилган Европадаги биринчи уйга кўчиб ўтди, деб хабар беради «Korrespondent.net».

Қурувчилар 29 апрель куни амстердамлик чол-кампир — 70 ёшли Элиза Лутс ҳамда 67 ёшли Харри Деккерсга уйнинг рақамли калитини топширган. Таъкидланишича, бу смартфонлар учун мўлжалланган дастур бўлиб, унинг ёрдамида иккита ётоқхонага эга янги уйни очиш мумкин.

«Ушбу уйни чоп этишга 120 соат керак бўлди, холос», — дейди Weber Benelux компанияси бош директори Бас Гюисманс.

Майдони 94 квадрат метрга тенг уй валун (юмалоқ катта тош) шаклида ишланган. У 24 та бетонли элементдан иборат бўлиб, қатламли шаклда чоп этилган ва қурилиш майдончасига етказилган. Бу ерда у бевосита пойдеворга ўрнатилган. “Замин” янгиликларини “Telegram”да кузатиб боринг