Фото: «ТАСС»
Озарбайжон ҳарбийлари Сюник минтақасидаги ҳаракатлари билан Арманистоннинг суверен ҳудудига тажовуз қилмоқда. Бу ҳақда Арманистон бош вазири вазифасини бажарувчи Никол Пашиняннинг сўзларига таяниб, «РБК» хабар берди.
«12 май куни, эрталаб Озарбайжон Қуролли кучлари давлат чегарасини Севлич кўли (Арманистоннинг Сюник вилояти ва Озарбайжоннинг Лачин вилояти ўртасида жойлашган) ҳудудидан кесиб ўтиб, 3,5 км ичкарига киришди. Аслида улар кўлни ўраб олишга ҳаракат қилмоқда. Шубҳасиз, бундай ҳаракатларни қабул қилиб бўлмайди, бу Арманистоннинг суверен ҳудудига тажовуздир», — деди Пашинян.
Пашиняннинг сўзларига кўра, Озарбайжон ҳарбийлари ҳеч қандай қурол ишлатмаган. «Улар ўзларининг хатти-ҳаракатларини қандайдир ўйлаб топилган ва сохта хариталар билан оқлашга ҳаракат қилди. Ваҳоланки, бизда Совет Арманистон, Совет Озарбайжон ва марказий ҳокимият томонидан тасдиқланган харита бор, унда Арманистон ва Озарбайжон ўртасидаги чегара қаерда экани аниқ кўрсатилган», — деди у. Пашиняннинг таъкидлашича, Арманистон «мавжуд вазият билан муросага кела олмайди», аммо масалани дипломатик йўллар билан ҳал қилишни устувор вазифа деб билади.
Арманистон Мудофаа вазирлиги 12 май куни эрталаб Озарбайжон Қуролли кучлари «чегараларни аниқлаштириш» баҳонасида чегара ҳудудларидан бирида муайян ҳаракатларни бажаришга урингани ҳақида хабар берган эди. «Арман бўлинмалари томонидан кўрилган чоралардан сўнг, Озарбайжон ҳарбийлари бу ишни тўхтатди. Вазиятни ҳал қилиш бўйича музокаралар олиб борилмоқда», — дейилади вазирлик хабарида.
Сюник вилояти Арманистоннинг жанубида жойлашган. Ҳудуд ўтган кузда можаро пайтида Озарбайжон армияси томонидан босиб олинган Тоғли Қорабоғ туманлари билан чегарадош. Россия воситачилиги билан Арманистон ва Озарбайжон ўртасида тузилган тинчлик шартномасига кўра, Бокуни Нахичеван эксклави ва Туркия билан боғлайдиган йўл минтақадан ўтиши керак эди.
Май ойининг бошларида Пашинян Сюник минтақасида 102-рус ҳарбий базасининг иккита кучли нуқтаси яратилганини эълон қилди. «Бу нафақат Сюник вилояти, балки Арманистон хавфсизлигини таъминлаш учун қўшимча ҳам кафолатдир», — деди у. Пашиняннинг сўзларига кўра, республиканинг барча чегараларини ҳимоя қилишни Арманистон-Россия қўшинлари гуруҳи амалга оширади. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Кальяри” Шомуродов бўйича бир қарорга келди
Сирский Россия Донецк областида тактик ютуқларга эришаётгани ҳақида гапирди
АҚШ Ҳаага судининг Исроилга нисбатан терговига қарши чиқяпти
Тошкент вилоятидаги 6 та туманга янги радарлар ўрнатилади
Тожикистон Россияга жиддий норозилик билдирди
Тошкентда мебел цехи 1 млрд сўмлик электр энергиясидан ноқонуний фойдалангани аниқланди
Наманганда 11-синф ўқувчиси Lacetti’да икки талабани уриб юборди
Тошкент вилоятида муқаддам 8 маротаба судланган “сохта оператор” қайта жиноятга қўл урди
