12:50 / 03.06.2021
18 586

Lamborghini’да гўшт пиширмоқчи бўлган эркакнинг омадсиз уриниши


Кадр: Telegram
Хитойда Lamborghini Aventador эгаси шашлик пиширишнинг оригинал усулини синаб кўришга қарор қилди. Анъанавий мангал билан табиат қўйнига чиқиш ўрнига у суперкарининг газ чиқариш трубаси ёрдамида автотураргоҳнинг ўзида гўшт пиширишга киришган. Бироқ барчаси кутилганидек бўлмаган: автомобиль қуюқ тутун чиқара бошлаган, «ошпаз» эса ўз ғояси омадсиз эканини тан олишга мажбур бўлган. Ваҳима қилаётган Aventador эгасининг видеоси Хитой ОАВлари томонидан эълон қилинди, деб хабар беради Motor.

Мазкур ҳодиса Хунан провинциясидаги Чанша шаҳрида содир бўлган. Кадрлардан кўриш мумкинки, Lamborghini Aventador Ferrari ва бошқа суперкарлар билан бирга битта автотураргоҳда бўлган. Эркак газ чиқариш трубаси олдига ўтирган ва дўстидан газ тепкисини босишни сўраган — натижада V12 Aventador баланд овозда олов «пуркай» бошлаган.

Аввалига барчаси яхши кетган, бироқ қанчадир вақт ўтгач, суперкарнинг мотор бўлмасидан қуюқ тутун чиқа бошлаган. Видео давомида шашликчи қизиб кетган суперкарнинг томини очиб, ундан нари кетган. Маълум қилинишича, тутуннинг юзага келишига совитувчи суюқликнинг оқиб кетгани сабаб бўлган.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Lamborghini’да гўшт пиширмоқчи бўлган эркакнинг омадсиз уриниши