2 192
Зеленский Украинада олигархлар рўйхатини тузишни таклиф қилди. Унга собиқ президент Порошенко киритилиши кутилмоқда
Фото: Getty Images
Тегишли қонун қабул қилинганидан кейин Украина собиқ президенти Пётр Порошенко зудлик билан олигархлар рўйхатига киритилади. Бу ҳақда мамлакат адлия вазири Денис Малюська «Сўз эркинлиги» кўрсатувида маълум қилди, деб ёзади Meduza.
Олигархлар рўйхатини тузиш тўғрисидаги қонун лойиҳаси Украина президенти Владимир Зеленский томонидан 2 июнь куни парламентга киритилган эди. У ерга сиёсат билан шуғулланадиган ва ОАВга таъсири бўлган йирик мол-мулк соҳиблари (яшаш учун зарур бўлган минимум маблағнинг миллион баробаридан ортиқ — ҳозирда бу сумма 2,27 миллиард гривна ёки 83 миллион долларга тенг) киритилади.
Малюськанинг айтишича, Порошенко «Европа бирдамлиги» партияси раиси ва Рада депутати бўлгани учун «автоматик тарзда рўйхатга тушади». Шунингдек, адлия вазири бизнесмен Игорь Коломойский ҳам «рўйхатга аниқ киритилиши»ни маълум қилди.
Зеленскийнинг қонун лойиҳаси олигархларга сиёсий партияларни молиялаштириш ва уларнинг йирик давлат мулкини хусусийлаштиришда қатнашишини тақиқлашни, мансабдорларга эса улар билан мулоқотлари ҳақида ҳисобот бериш мажбуриятини юклашни кўзда тутади.
Зеленский олигархлар ҳақидаги қонун лойиҳасининг киритилишини мамлакатдаги «олигархлик тизимини йўқ қилиш» зарурияти билан изоҳлади. Ҳужжат вақтинчалик бўлиши, унинг амал қилиши ўн йил билан чекланиши тахмин қилинмоқда. Кейинчалик унинг асосида трастларга қарши меъёрлар, лоббизм ҳақидаги қонун ва йирик бизнесни тартибга солувчи бошқа ҳуқуқий актларни ишлаб чиқиш режалаштирилмоқда. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Футзал. Осиё Кубоги. Тожикистон Японияни гуруҳда қолдирди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Зоҳида Умарова нима сабабдан ўғли ва келини билан бирга яшамаслигини айтди
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
Ўзбекистонда ўтган уч ойда қанча автомобиль ишлаб чиқарилган?
Академик Қодир Ғуломов Қўшработда бўлди
Рамзан Қодировнинг 19 ёшли қизи медаль билан тақдирланди
Германиянинг Knauf компанияси Россиядан бутунлай чиқиб кетишини тасдиқлади