20:10 / 08.06.2021
2 949

Алмазбек Атамбоев оғир аҳволда эканлиги маълум қилинди

Алмазбек Атамбоев оғир аҳволда эканлиги маълум қилинди

Фото: АКИpress
Қирғизистоннинг собиқ президенти Алмазбек Атамбоев зудлик билан шифохонага ётқизилиши лозим. Бу ҳақда унинг адвокати Замир Жоошев маълум қилди, деб хабар берди 24.kg.

Унинг сўзларига кўра, Атамбоев инфарктолди ҳолатида, шунингдек, эски касалликлари қўзғаган. Хусусан, бел қисмидаги оғриқлар кучайган. Аммо бир ой аввал тайинланган суд-тиббий экспертизаси ҳали якунлангани йўқ.

Адвокатнинг айтишича, судга 148 саҳифадан иборат касаллик тарихи нусхаси тақдим этилган.
"Алмазбек Атамбоев комплекс даволанишга муҳтож. У колония шароитида даволана олмайди. Биз жазонинг уй қамоғига ўзгартирилиши юзасидан бир неча марта сўров киритдик. Аммо бизга рад жавобини беришди", - деди Замир Жоошев.

Эслатиб ўтамиз, Алмазбек Атамбоевга нисбатан бир нечта жиноий иш қўзғатилган. Собиқ президент январда тергов изоляторидан колонияга ўтказилганди.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Дунё » Алмазбек Атамбоев оғир аҳволда эканлиги маълум қилинди