Ҳиндистонда 38 хотини ва 89 фарзанди бўлган эркак вафот этди

Ҳиндистоннинг Мизорам штатида яшовчи дунёдаги энг катта оилалардан бирининг бошлиғи Зиона Чана 76 ёшида вафот этди, деб ёзади BBC.

BBC хабарига кўра, Зиона Чана кўпхотинлилик амалиётини қўллаган диний мазҳаб етакчиси бўлган. Эркакнинг 38 рафиқаси, 89 фарзанди ва 36 набираси бор. У диабет ва юқори қон босимидан азият чекарди.

With heavy heart, #Mizoram bid farewell to Mr. Zion-a (76), believed to head the world's largest family, with 38 wives and 89 children.
Mizoram and his village at Baktawng Tlangnuam has become a major tourist attraction in the state because of the family.
Rest in Peace Sir! pic.twitter.com/V1cHmRAOkr

— Zoramthanga (@ZoramthangaCM) June 13, 2021

Унинг оиласи Чана Пол насронийлик мазҳабига мансуб бўлиб, мазҳабга қарийб 2 минг киши эргашади. Уларнинг барчаси Чанага қўшни бўлиб яшайди. Чананинг уйи эса Ҳиндистон шимоли-шарқидаги Мизорам штати пойтахти Аижал шаҳридан 55 км узоқликдаги Бактавнг Тлангнуам қишлоғида жойлашган. Мазҳабга 1942 йилда Зиона Чананинг бобоси асос солган.

BBC таъкидлашича, Чананинг оиласи ҳажмини аниқ тахмин қилиш қийин: баъзи хабарларга кўра, аслида унинг 39 рафиқаси, 94 фарзанди ва 33 набираси бўлиб, оила жами 181 кишини ташкил қилади. Чана катта рафиқаси билан 17 ёшида танишган. Ўшанда рафиқаси 20 ёшда бўлган.

Оила тўрт қаватли, 100 хонали уйда яшайди. Маҳаллий оммавий ахборот воситаларининг таъкидлашича, хотинлар битта ётоқхонада яшайди, Чананинг ўзи алоҳида хонада яшаган. Хонадон ушбу ғайриоддий оиланинг турмуш тарзини кўришга келадиган сайёҳлар орасида жуда машҳур.

ОАВ маълумотларига кўра, биргина кечки овқат учун оила деярли 100 килограмм гуруч, 60 килограммга яқин картошка ва 30 га яқин товуқ истеъмол қилади. “Замин” янгиликларини “Youtube”да кузатиб боринг