Фото: AP Photo
Женевадаги учрашувда Россия президенти Владимир Путин америкалик ҳамкасбига Россия миллий ҳунармандчилик нақшлари билан безатилган ёзув тўпламини, Америка раҳбари Жо Байден эса Путинга авиатор кўзойнак ва биллур ҳайкалча совға қилди.
«Миллий нақшлар туширилган ‘Москва’ ёзув тўплами», — деди Россия президенти матбуот котиби Дмитрий Песков Путиннинг Байденга совғаси ҳақидаги саволга жавоб бериб.
Оқ уй хабарига кўра, саммит давомида Байден Путинга махсус тайёрланган қуёшдан ҳимояловчи кўзойнак ва биллурдан ясалган бизон ҳайкалчасини ҳадя қилган.
«Президент Байден президент Путинга Randolph USА томонидан тайёрланган авиатор кўзойнакларини совға қилди», — деди АҚШ маъмурияти расмийси.
Унинг таъкидлашича, 1978 йилдан ушбу компания қирувчи-учувчилар учун мўлжалланган махсус кўзойнаклар ишлаб чиқара бошлаган. Ўшандан бери Randolph USА компанияси АҚШ ва НАТО ҳарбийларини «юқори сифатли ва ишончли авиаторлар» билан таъминлаб келади.
Оқ уй вакили таъкидлашича, АҚШ президенти Путинга, шунингдек, Америка бизонининг биллур ҳайкалчасини совға қилган, бу «мамлакатдаги энг обрўли сутемизувчилардан бирининг улуғвор рамзи бўлиб, ўзида куч, бирлик ва барқарорликни намойиш этади».
16 июнь куни Женевада Байден ва Путиннинг давлат раҳбарлари сифатидаги биринчи учрашуви бўлиб ўтди. Учрашув Женевадаги La Grange вилласида ўтказилган. АҚШ президенти Жо Байден Женевага 15 июнь куни, Владимир Путин эса 16 июнь куни келган. Тўрт соат давом этган учрашувда тор ва кенг доирадаги музокаралар олиб борилган. Музокаралардан сўнг икки давлат раҳбарлари алоҳида матбуот анжуманлари ўтказган. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
Нега Трамп Зеленскийни ёмон кўради?
Зеленский: Россия Украинанинг иссиқлик энергетикасини деярли тўлиқ яксон қилди
Қондаги шакар миқдорини тартибга солувчи фойдали мева номи айтилди