23:53 / 23.06.2021
4 309

Эпидемиолог пандемиянинг тўртинчи тўлқинида кимлар қурбон бўлишини айтди


Фото: «123ru.net»
Греция Миллий эмлаш қўмитаси раиси Мария Теодориду коронавирус пандемиясининг тўртинчи тўлқини қурбонларини маълум қилди. Эпидемиологнинг фикрига кўра, агар тўлқин республикага етиб боргудек бўлса, у фақат эмланмаган фуқароларга таъсир кўрсатади. «РИA Новости» Теодоридунинг сўзларидан иқтибос келтирган.

«Бугунги кунда Бирлашган Қиролликда тарқалган «дельта» мутациясининг тарқалиши кучайиб, қўшни мамлакатларга ўтиши ва тўртинчи тўлқинни чақириши хавотирга солмоқда», — деди Эмлаш қўмитаси раиси.

Унинг фикрича, шифохонага ётқизиш ва ўлим ҳолатлари нуқтаи назаридан ушбу тўлқиннинг жадаллиги мўътадилроқ бўлади.
Теодориду сўзларига кўра, ҳинд штамми Греция ҳукуматини ҳозирча ташвишга солаётгани йўқ, бироқ ҳушёрликни йўқотгани йўқ.

«Туризм ва очиқ чегаралар орқали ушбу мутация мамлакатимизга ҳам кириб келиши кутилмоқда», — дея қўшимча қилган у.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Эпидемиолог пандемиянинг тўртинчи тўлқинида кимлар қурбон бўлишини айтди