14:40 / 06.07.2021
1 462

Тожикистон чегарасини мустаҳкамлаш учун 20 минг нафар ҳарбий сафарбар қилинади

Тожикистон чегарасини мустаҳкамлаш учун 20 минг нафар ҳарбий сафарбар қилинади

Тожикистон президенти Имомали Раҳмон мамлакат мудофаа вазири Шерали Мирзога тожик-афғон чегарасини мустаҳкамлаш учун 20 минг нафар ҳарбий хизматчини сафарбар қилиш топшириғини берди. Хабар қилинишича, Раҳмон Тожикистон хавфсизлик кенгаши йиғилишида ана шундай топшириқ берган.

«Афғонистон ва Тожикистон чегарасида сиёсий вазият кескинлашганини эътиборга олиб, давлат раҳбари хавфсизлик кенгаши аъзоларига, куч ишлатиш тузилмалари, ҳуқуқни муҳофаза қилиш органлари раҳбарларига давлат ва тожик-афғон чегарасидаги миллат хавфсизлигини таъминлаш бўйича аниқ чоралар кўриш топшириғини берди», деган РИА Новости агентлиги суҳбатдоши.

Аввалроқ 5 июлга ўтар кечаси «Толибон» ҳаракати жангарилари билан жанглардан сўнг мингдан ортиқ афғон ҳарбийлари Тожикистон ҳудудига чекинишга мажбур бўлгани хабар қилинганди.

Тожикистон давлат миллий хавфсизлик қўмитаси чегара қўшинлари матбуот хизмати хабарига кўра, толиблар Бадахшон вилоятидаги Хохон, Шикай, Нусай, Моҳимай, Шугнон ва Султон Ишкашим туманларини тўлалигича ўз назоратига олган. Афғонистон ҳукуматининг 1037 нафар ҳарбий хизматчиси Тожикистон ҳудудига чекинишга мажбур бўлган.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Дунё » Тожикистон чегарасини мустаҳкамлаш учун 20 минг нафар ҳарбий сафарбар қилинади