3 929
«Толибон» Афғонистонда Мустақиллик кунига бағишланган митинг иштирокчиларига қарата ўт очди
Фото: «Centralаsiа.media»
Афғонистон шарқидаги Кунар вилоятининг Асадобод шаҳрида бўлиб ўтган митингда бир неча киши ҳалок бўлди. Бу ҳақда Reuters агентлиги гувоҳларга таяниб хабар берган деб ёзади Meduza.
Афғонистоннинг Мустақиллик кунига бағишланган митинг иштирокчилари миллий байроқларни силкитаётган пайтида «Толибон» жангарилари ўт очишни бошлаган.
Reuters қайд этишича, одамлар айнан нима сабабдан — отишма ёки ундан кейин юз берган тиқилинч оқибатида вафот этгани охиригача аниқ эмас. «Толибон» вакиллари воқеа юзасидан изоҳ бергани йўқ.
18 август куни Афғонистоннинг бир нечта шаҳарларида мамлакат байроғини ҳимоя қилиб, акциялар бўлиб ўтди. Норозилик намойишлари «Толибон» жангарилари бинолардаги миллий байроқларни олиб ташлаб, ўрнига ўз ҳаракатининг байроғини ўрнатиб чиқишга киришганидан кейин бошланди.
Нангарҳор вилояти маркази Жалолобод шаҳрида намойишчилар ва «Толибон» аъзолари ўртасида тўқнашувлар юз берди. Al-Jazeera маълумотларига кўра, у ерда уч киши ҳалок бўлган.
Шунингдек, Кобул халқаро аэропорти яқинида 15 август, якшанба кунидан буён 12 киши ҳалок бўлган. Бу ҳақда Sky News телеканали «Толибон» вакилларига таяниб маълум қилган. Аэропорт орқали мамлакатдан чет элликлар ва айрим афғонлар ҳам эвакуация қилинишда давом этмоқда. Ўлимларга ўқотар қуроллардан етган жароҳатлар ёки тиқилинч сабаб бўлган.
«Толибон» тегишли ҳужжати бўлмаган одамларни аэропорт ҳудудини тарк этишга чақирди. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Россия дунёдаги биринчи водород ёқилғили автомобилни тақдим этди
Эрон президенти жиддий баёнот берди: «Исроилдан ҳеч нарса қолмайди»
Германияда мактаб ўқувчилари оммавий равишда ислом динини қабул қилмоқда
Қайси кундалик одатлар иммунитет пасайишига олиб келишини биласизми?
Сариқми ёки яшил: қайси турдаги банан фойдалироқ?
Германиянинг Knauf компанияси Россиядан бутунлай чиқиб кетишини тасдиқлади
Damas учун онлайн контрактация очилади