Марказий Осиёга хорижий ҳарбий базаларни жойлаштиришнинг хатари ҳар қандай фойдани босиб кетади ва Афғонистондаги йирик инфратузилма лойиҳаларига нуқта қўяди. РИА “Новости”нинг хабар беришича, Россия Ташқи ишлар вазирлиги МДҲ давлатлари департаменти учинчи директори Александр Стерник ана шундай фикр билдирди.
“Чет эл ҳарбий базасининг хатари ҳар қандай фойдани босиб кетади. Кейин Афғонистонда газ қувурлари, электр узатиш линиялари, транспорт йўлаклари билан боғлиқ йирик лойиҳаларга чек қўйишимиз керак бўлади”, – деди у.
Стерникнинг айтишича, Марказий Осиё давлатларига АҚШ ҳарбий базаларининг жойлаштирилиши “Толибон”нинг ушбу мамлакатларга ҳужумига туртки бериши мумкин.
“Биз терроризмга қарши ҳаракатлар баҳонасида ҳарбий ва разведка базаларини жойлаштириш мақсадида иттифоқчиларимизга кўрсатилаётган босимни ўта хавфли деб ҳисоблаймиз, – деди Стерник. – Бу ҳам Марказий Осиё давлатлари учун, ҳам Россия, Хитой ва Эрон учун мутлақо қабул қилиниши мумкин эмас, чунки биз Марказий Осиёда бундай базаларнинг жойлаштирилиши қандай вазифаларни ҳал қилишини тушунамиз”.
Эслатиб ўтамиз, аввалроқ Politico нашри Пентагон расмийлари шу ойда Ўзбекистонда АҚШнинг аксилтеррор кучларини жойлаштириш имкониятларини муҳокама қилиши ҳақида хабар тарқатган эди. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Орзудаги уй — қишда иссиқ, ёзда салқин. Бунга қандай эришиш мумкин?
Ўзбекистонлик 17 ёшли қиз дунёнинг етакчи университети олимлари билан тадқиқот олиб бормоқда
Ўзбекистонликлар доимий яшаш учун кўпроқ қайси давлатларга кўчиб кетмоқда?
Жиззахда учта юк машинаси иштирокида ЙТҲ содир бўлди
Пневматик қуролларни ўз ихтиёри билан топширганлар жавобгарликдан озод этилади
Шимолий Корея янги кўрсаткичларга эга баллистик ракетани синовдан ўтказди
Эрон президентини олиб кетаётган вертолёт ҳалокатга учради
“Умра” зиёратига бориб келиш тартиби такомиллаштирилади