16:33 / 25.10.2021
990

«Толибон» аввалги ҳукуматнинг қулашидан таассуфда

«Толибон» аввалги ҳукуматнинг қулашидан таассуфда
Афғонистонда аввалги ҳукуматнинг қулаши афғон халқига фақат зарар келтирди. Бу ҳақда якшанба куни TOLOnews телеканалига берган интервьюсида «Толибон» ҳаракати вакили Забиҳуллоҳ Мужоҳид айтиб ўтди.

«Менимча, режимнинг қулаши Афғонистон халқига фақат зарар етказди, чунки агар уруш тўхтатилганида ва биз музокараларда сезиларли ютуқларга эришганимизда, вазият ҳозиргидан яхшироқ бўларди. Натижада институтларнинг қулаши ва мамлакатдан одамларнинг қочиб кетишининг олдини олиш мумкин эди», – деди у.

Бундан ташқари, Мужоҳид халқаро ҳамжамиятнинг «Толибон» томонидан тузилган ҳукуматнинг инклюзив эмаслиги ҳақидаги айбловларини рад этди.

«Агар биз турли халқларнинг иштироки ҳақида гапирадиган бўлсак, ҳозирги ҳукуматга турли этник гуруҳларни киритганмиз ва уларга тегишли ваколатлар берилган. Айрим шахсларни киритиш ҳақида гапириш эса нотўғри», – деди Забиҳуллоҳ Мужоҳид.

У АҚШни молиявий ёрдамни тўхтатганини танқид қилар экан, Вашингтон бошқа давлатларни ҳам Афғонистондаги муваққат ҳукуматни тан олмасликка ундаётганини айтди. «Биламиз, бунинг ортида АҚШ турибди», – дея таъкидлади «Толибон» вакили.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Дунё » «Толибон» аввалги ҳукуматнинг қулашидан таассуфда