Татаристон парламенти Москва таклиф қилган қонун лойиҳасига қарши чиқди

Татаристон Давлат Кенгаши депутатлари «Россия Федерациясининг таркибий тузилмаларида давлат ҳокимиятини ташкил этишнинг умумий тамойиллари тўғрисида» федерал қонун лойиҳасини қўллаб-қувватламади.

Татаристон парламенти йиғилишида ҳужжатни тақдим этган депутат Алберт Хабибуллин қонун лойиҳасининг айрим қоидалари Россия Федерацияси конституциявий тузуми асосларига зид эканлигини айтган.

«Тақдим этилган таҳрирдаги қонун лойиҳаси Россия Федерациясининг таъсис субъектларининг давлат ҳокимияти органлари фаолиятини ҳуқуқий тартибга солишнинг умумий тамойилларини белгилашдан узоқлашган, минтақавий давлат ҳокимияти органлари тизимини шакллантириш масалаларини батафсил тартибга солади», деган Хабибуллин.

Депутатнинг қайд этишича, бу Россия Конституциясида белгиланган федерал давлат тамойилларига зиддир.

Юқоридагилар билан боғлиқ ҳолда, у федерал қонун лойиҳасини тақдим этилган версияда қўллаб-қувватламасликни сўради. Бундан ташқари, Давлат Думаси Татаристон депутатларига республика парламентининг позициясини қўллаб-қувватлаш тавсия қилинди.

27 сентябрь куни Давлат Думасига киритилган қонун лойиҳасида республика раҳбарининг ягона номини киритиш ва кетма-кет иккита губернаторлик муддатига чекловларни бекор қилишни назарда тутади. Белгиланган ваколат муддати - беш йил. «Замин»ни Telegram’да ўқинг!