11:33 / 02.12.2021
2 200

Bloomberg дунёнинг энг обрўли инсонлар рўйхатини эълон қилди

Bloomberg дунёнинг энг обрўли инсонлар рўйхатини эълон қилди
Bloomberg агентлиги 1 декабрь куни 2021 йил бўйича дунёнинг энг обрўли инсонлар рўйхатини эълон қилди, деб хабар беради «Korrespondent.net».

Таъкидланишича, ҳар йили тақдим этиладиган рўйхатга 2021 йилда эришган ютуқлари «эътирофга лойиқ» бўлган бизнес, кўнгилочар, молия, сиёсат, фан ва технология соҳалари вакиллари киритилган.

Шундай қилиб, Pfizer фармацевтика компанияси бош директори Алберт Бурла бошқалар қатори «Бизнес» бўлимига киритилди. Маълум қилинишича, корхонанинг BioNTech компанияси билан ҳамкорликда эришган ютуғи — COVID-19 га қарши вакцина бўйича 36 миллиард доллардан ортиқ тузган битими ҳисобланади ва у «йилнинг энг кўп сотилган фармацевтика маҳсулоти»га айланган.

«Молия» бўлимига, хусусан, дунёнинг энг бадавлат инсонларидан бири, Amazon рабари Жефф Безоснинг собиқ рафиқаси Маккензи Скотт ҳам киритилган. У ажрашганидан сўнг, 800 га яқин хайрия ташкилотларига қарийб 8,6 миллиард доллар хайрия қилиб, энг сахий филантроп номига эга бўлган.

«Сиёсат» бўлимига бошқалар қатори россиялик мухолифатчи Алексей Навальний ҳам киритилган. «Кремлнинг ашаддий танқидчиси 10 ойдан ортиқ вақтдан бери қамоқда сақланмоқда», — дея таъкидлайди агентлик.

«Фан ва технология» бўлимининг бошида TikTok ижтимоий тармоғининг бош операцион директори Ванесса Паппас кўрсатилган. Унинг ютуқлари қаторига биринчи ярим йиллик давомида TikTok асосий рақиблари Instagram (17,7 миллион) ва Snapchat (14,2 миллион)ни қўшиб ҳисоблаганда ҳам АҚШда энг кўп юклаб олинган (34,6 миллион) мобил дастурга айлангани кўрсатилган.

«Кўнгилочар» бўлимидан эса беш ойлик суд жараёнларидан сўнг, ноябрь ойида отасининг васийлигидан қутилган қўшиқчи Бритни Спирс ўрин олган.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Дунё » Bloomberg дунёнинг энг обрўли инсонлар рўйхатини эълон қилди