Британияда «келажак самолёти» ишлаб чиқилди

^{Фото: Bloomberg}
Британия Аэрокосмик технологиялар институтида дунё авиациясининг келажагига айланиши мумкин бўлган самолёт ишлаб чиқилди, деб ёзади Bloomberg.

Буюк Британия ҳукумати ушбу самолётни ишлаб чиқишга 15 млн фунт стерлинг берган. Янги авиалайнер водород ёнилғисида ишлайди ва экологияга хавф солмайди.

Модель иккита турбовентиляторли двигатель ва водород сақлашга мўлжалланган криоген баклар билан жиҳозланган. Ёнилғини минус 250 даража ҳароратда ҳам сақлаш мумкин.

Тадқиқотчиларнинг таъкидлашича, лайнер 279 нафар йўловчини реактив двигателли самолётлардаги каби тезлик ва қулайликда Лондондан Сан-Францискога олиб келиши мумкин. «Замин»ни Telegram’да ўқинг!