Вазир Британияга душман давлатлар номларини тилга олди

^{Фото: РБК}
Буюк Британия хавфсизлик масалалари бўйича давлат вазири Дэмиан Ҳайндс Россия, Хитой ва Эронни, уларнинг разведка ва киберҳужумлар борасидаги имкониятларидан келиб чиқиб, Бирлашган Қиролликка нисбатан душман кайфиятидаги мамлакатлар деб атади. Бу ҳақда «The Telegraph» хабар берди.

«Мен тилга олган уч мамлакат жисмоний инсон салоҳиятига эга, кибермаконда катта ўрин тутади, улар ўз кучларини исталган кўламда жойлаштира олади», — таъкидлади вазир.

Москва, Пекин ва Теҳроннинг душманона фаоллиги, ёлғон маълумот тарқатиш кампанияларидан ташқари, кутиш тартибидаги кўплаб жосуслар ва аскарлар мавжудлигида аксини топади, қўшимча қилди Ҳайндс.

Британ вазири тўртинчи душман мамлакат сифатида КХДР (Шимолий Корея)ни тилга олган.

Вазир бу давлатлардан кутилаётган хатарларга қарши курашиш учун чет эл жосуслари тўғрисидаги қонунни янгилаш керак деган фикрда. «Замин»ни Telegram’да ўқинг!