Қирғизистон президенти Садир Жапаров Россиянинг Украинадаги ҳарбий ҳаракатлари ва Россияга нисбатан жорий этилган санкциялар туфайли “бирдан кескинлашган халқаро вазият ва жаҳон бозорларидаги вазият” муносабати билан халққа мурожаат йўллади.
У қирғиз халқини қишлоқ хўжалиги маҳсулотлари етиштиришни кўпайтиришга ва жамғармаларини олтин сотиб олишга сарфлашга чақирди.
“Мамлакатимиз ёқилғи нархининг сезиларли даражада ошиши сабабли қийинчиликларни бошдан кечирмоқда. Ун ва бошқа дон маҳсулотлари нархи сезиларли даражада ошди. Буларнинг барчаси иқтисодиётимиз ҳали ҳам коронавирус пандемиясидан тикланмаган бир пайтда содир бўлмоқда. Балки яқин келажакда миллий валютамизга нисбатан босим кучайиши мумкин. Халқаро вазият хорижда ишлаётган ватандошларимизга ҳам салбий таъсир кўрсатиши мумкин”, – деб ёзди Жапаров Фейсбукдаги саҳифасида.
У Қирғизистон Вазирлар Маҳкамаси томонидан Инқирозга қарши чора-тадбирлар режаси ишлаб чиқилгани, ташқи таъсирларнинг республика фуқароларига таъсирини юмшатиш бўйича махсус чоралар кўрилишини таъкидлади.
“Бугунги кунда энг муҳими, бутун аҳоли учун ҳам, ҳар бир оила учун ҳам озиқ-овқат хавфсизлигини таъминлашдир. Шунинг учун ҳозир бирорта дала экинсиз қолмаслиги учун ҳамма нарсани қиляпмиз. Қишлоқ хўжалиги маҳсулотларини ўзимизда ишлаб чиқариш ва уларни кейинчалик қайта ишлашни сезиларли даражада оширишимиз керак. Ҳар бир томчи сув қадрли, биз ҳозирда канал ва ариқларни тозалаш, намликни тежаш учун барча зарур маблағларни ажратдик”, – деди Қирғизистон раҳбари.
Жапаров, шунингдек, фуқароларга омонатларини сақлаб қолиш учун олтин қуймалар сотиб олишни тавсия қилиб, олтин қадрсизланмаслигини айтди.
“Биз олтин ёмбиларни исталган миқдорда сотиб олиш тартибини соддалаштирдик. Ҳар қандай валютанинг қиймати доимий равишда пасайиб боради. Фақат олтинимизнинг нархи ошиб бормоқда. Шу боис пули бор фуқароларимиз миллий банкдан 1 граммдан 13 килограммгача бўлган олтин ёмбиларни исталган миқдорда харид қилишлари мумкин. Чет элга экспорт қилиш учун ҳеч қандай чекловлар йўқ ва ҳеч қандай тўлов олинмайди. Биз шундай шароитларни яратдик. Капиталингизни қоғоз пул ўрнига олтин билан яхшироқ сақланг”, – дея таклиф қилди президент.
Садир Жапаров, Олтин қуйма, Сотиб олиш, Қирғиз халқи “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
2026 йилда бўлажак мундиалнинг фаворитлари рейтинги тақдим этилди
Шавкат Мирзиёев Россия бош прокурори билан учрашув ўтказди
Ўмон султонлиги элчиси: «Урушларни ҳарбий куч билан ҳал қилиб бўлмайди»
22 ноябрь куни Cobalt автомобилига шартнома очилиши эълон қилинди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Италия суди Қуддус Исроил пойтахти эмаслиги ҳақида қарор чиқарди
