Фото: Bloomberg
Россиянинг Украинага ҳужуми ортидан унга қўлланилган санкциялар жаҳон иқтисодиёти ўсишига улкан зарба бериб, хавф-хатарларни кучайтирди. Бу олтин нархларига ҳам ўз таъсирини кўрсатган ҳолда, унинг қимматлашишига сабаб бўляпти. Бу ҳақда Bloomberg хабар бермоқда.
Россия банкининг санкцияларни юмшатишда хориж захираларидан фойдаланишига тўсқинлик қилувчи жазо чоралари қўлланилганидан сўнг, қуйма олтин нархлари жами 2,2 фоизга ошди. Шунингдек, баъзи россиялик кредиторлар триллион долларлаб транзакцияларни амалга оширувчи SWIFT халқаро молия тизимидан чиқариб юборилди.
Россия марказий банки асосий фоиз ставкаларини деярли йигирма йил ичида энг юқори даражагача кўтарган бир пайтда президент Владимир Путин жавоб чораларини кўрди. Шунингдек, Россия билан боғлиқ хориждаги акциялар ва қарз мажбуриятлари нархлари тушиб кетгани боис акция ва облигациялар савдосини бутунлай бекор қилди.
Молиявий бўшлиқ жаҳон иқтисодиёти ўсишига зарба бериши ёки АҚШ Федерал захира тизимининг долларларни етказиб беришида ундан маълум ҳаракатларни талаб этиши мумкинлиги бўйича хавф-хатарлар ортиб бормоқда.
- Россия-Украина можароларининг кескинлашуви олтинга бўлган юқори талабни кучайтирмоқда, — дейди ‘‘Cоммерзбанк’’ таҳлилчиси Дениел Бриземанн.
Олтин қуймаси бошқа активларни ортда қолдирган ҳолда май ойидан бери бу энг юқори кўрсаткични қайд этмоқда.
27 февраль куни Россия марказий банки икки йиллик танаффусдан сўнг ички бозордаги олтин савдосини қайта тиклаши ҳақида хабар берган эди. Марказий банкда 2000 тонна олтин қуймаси мавжуд.
Олтин баҳоси аввалроқ 1930,85 долларгача кўтарилгандан кейин Нью-Йорк вақти билан соат 16:19 да 1,1 фоизга ўсди ва 1910,10 долларга етди. Comex’да апрель ойи учун етказиб бериладиган олтин қуймалари 0,7 фоизга қимматлашиб, 1900,70 долларга баҳоланмоқда. Шунингдек, платина нархлари тушиб кетди, кумуш эса аксинча – ошди.
Палладий Россия экспорти билан боғлиқ узилишлар хавфи туфайли аввал 7,8 фоизга кўтарилган бўлса, ҳозирда 5,9 фоизга ошган.
Россияга қарши, Қўлланилган санкциялар, Олтиннинг қимматлашиши, Россиянинг Украинага ҳужуми Россия ва Украина уруши “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Путин Хитой талабаларига қандай маслаҳат берди?
Орзудаги уй — қишда иссиқ, ёзда салқин. Бунга қандай эришиш мумкин?
Ўзбекистонлик 17 ёшли қиз дунёнинг етакчи университети олимлари билан тадқиқот олиб бормоқда
Эрон президентини олиб кетаётган вертолёт ҳалокатга учради
“Умра” зиёратига бориб келиш тартиби такомиллаштирилади
Лавров: Путин ва Си Цзиньпин Хитойнинг глобал хавфсизлик бўйича ташаббусини муҳокама қилди
Шимолий Корея янги кўрсаткичларга эга баллистик ракетани синовдан ўтказди
Ўзбекистонликлар доимий яшаш учун кўпроқ қайси давлатларга кўчиб кетмоқда?
