Покистон бош вазири қароргоҳида Шавкат Мирзиёевни расмий кутиб олиш маросими бўлиб ўтди

^{Фото: Президент матбуот хизмати}
Покистон бош вазирининг қароргоҳида 3 март куни Шавкат Мирзиёевни расмий кутиб олиш маросими бўлди. Бу ҳақда Президент матбуот хизмати хабар қилди.

Қайд этилишича, Шавкат Мирзиёев ва Имрон Хон фахрий қоровул олдидан ўтиб, шоҳсупага кўтарилган. Ўзбекистон ва Покистоннинг давлат мадҳиялари янграган.

Маросимда икки мамлакат расмий делегациялари аъзолари ҳам иштирок этган. Шавкат Мирзиёев халқлар дўстлиги, ҳамжиҳатлиги рамзи сифатида қароргоҳ боғига кўчат эккан.

^{Фото: Президент матбуот хизмати}
Шундан сўнг икки мамлакат етакчиларининг тор доирадаги музокараси бошланган. “Замин” янгиликларини “Telegram”да кузатиб боринг