Украинадаги урушнинг ўн тўртинчи куни оқибатлари (фото)

^{Украина ФВВ ходимлари ўққа тутилган туғруқхонадан ярадор ҳомиладор аёлни олиб чиқишмоқда.
Фото: Evgeniy Maloletka / AP / Scanpix / LETA}
Украинадиги уруш роппа-роса икки ҳафтадан буён давом этмоқда. Украина расмийлари кеча 40 минг киши ўз шаҳарларини тарк этгани ҳақида маълумот беришди. Эвакуация йўлаклари бўйича келишувларга қарамай, отишмалар давом этмоқда.

Кеча Мариуполда 3-сонли шаҳар касалхонаси ҳудудига зарба берилган. Воқеа жойидан олинган видеода айтилишича, зарба болалар ва туғруқ бўлимлари ўртасида содир бўлган. Дастлабки маълумотларга кўра, 17 киши жароҳатланган.

^{Ўққа тутилган туғруқхона. Фото: Evgeniy Maloletka / AP / Scanpix / LETA}
Қамал қилинган шаҳарларда электр, сув ва озиқ-овқат йўқлиги айтилмоқда. Қуйида урушнинг ўн тўртинчи кунида олинган асосий фотолар тақдим қилинади.