Урушнинг 31-куни: Пляждаги миналар, оммавий қабрлар, Львовга қилинган ракета ҳужуми

Украинада уруш бошланганига бир ойдан ошди. Украина март ойи бошида Россия қўшинлари назоратига ўтган Суми вилоятидаги Тростянец шаҳри озод этилгани ҳақида хабар қилди. Шу билан бирга, рус ҳарбийлари Славутич шаҳрини эгаллаб олди — шаҳар Чернобил АЭСдаги авариядан кейин станциянинг эвакуация қилинган ходимлари учун 1986 йилда қурилганди.

Владимир Зеленский ракета зарбасининг аниқ координаталарини акс эттирган фото ва видеоларни чоп этишни тақиқловчи қонунини имзолади. Айни шу вақтда Львов ракетадан ўққа тутилди. Meduza 26 март, урушнинг ўттиз биринчи кунида жанговар ҳаракатлар зонасидан олинган асосий фотосуратларни жамлади.

^{Украинанинг Харьков вилояти, Изюмский тумани, Тополское қишлоғи яқинидаги ўрмон камарида турган танклар ва бошқа оғир техникалар. Вилоятдаги учинчи йирик шаҳар — Изюм учун шиддатли жанглар бўлиб ўтди, 24 март куни Россия Мудофаа вазирлиги шаҳарни эгаллаганини эълон қилди.
Фото: Maxar Technologies}

^{Мариупол аҳолиси вайрон бўлган уй яқинидаги скамейкада.
Фото: Reuters}

^{Мариуполлик қочқинлар машинаси. Запорожьега бориш учун улар рус қўшинлари томонидан қўлга олинган Бердянск орқали ўтиши керак.
Фото: «Грати»}

^{Чамадонда кучукчаларини олиб кетаётган ирпинлик қочқин
Фото: AP Photo}

^{Ирпинлик қочқинлар билан ишлайдиган украиналик полициячининг эмоцияси.
Фото: AP Photo}

^{Кўнгиллилар отишмалардан яшириниб, метрони бошпана қилган Киев аҳолиси учун овқат тайёрламоқда. Урушнинг бошиданоқ минглаб киевликлар метро станциялари ва вагонларида тунамоқда.
Фото: Sopa Images}

^{Кўнгиллилар Киевдаги рамзий аҳамиятга эга ҳайкални қум қоплари билан бекитмоқда.
Фото: Reuters}

^{Одессанинг «Перрон Но 7» жазз клуби мусиқачилари балконда ўткинчиларга мусиқа чалиб бермоқда
Фото: AFP}

^{Одесса пляжида ўрнатилган «Эҳтиёт бўлинг, миналар» ёзувли белги
Фото: Reuters}

^{Одесса миллий академик опера ва балет театри яқинидаги баррикадалар. Бино шаҳар рамзларидан бири ҳисобланади
Фото: EPA}

^{Беш ёшли Миша Николаевдаги касалхонанинг ертўласида китоб ўқимоқда. Рус қўшинлари томонидан ўққа тутишлар пайтида Мишанинг онаси ҳалок бўлди, ўзи эса яраланди.
Фото: AFP}

^{Харьков четидаги оммавий қабрлар устида исмлар ёзилган тахтачалар. Бу ердаги одамлар асосан, табиий сабаблар билан вафот этган — аммо уларни анъанавий тарзда дафн қиладиган ҳеч ким йўқ эди.
Фото: AP Photo}