Канададаги Макмастер Университети олимлари ҳафтада беш кун 30 дақиқалик жисмоний фаоллик юрак-қон томир касалликлари ва бошқа сабаблар натижасидаги ўлим хавфини камайтириб, умрни узайтиришини аниқлашди. New Scientist нашри шу ҳақида маълум қилди.
Кенг кўламли тадқиқотда 17 мамлакатдан 130 минг киши иштирок этди. Сўровнома давомида кўнгиллилар ҳафта давомида неча марта жисмоний машқлар билан шуғулланишларини кўрсатишган. Тадқиқот иштирокчилари етти йил давомида назорат остида бўлишган, бу вақт давомида касаллик ва ўлим ҳолатлари даражаси қайд этиб борилган.
Маълум бўлишича, ҳафтасига 150 дақиқани тез юришга ажратувчи кишиларда эрта ўлим ҳолатлари хавфи 28 фоизга камаяди, 750 дақиқалик жисмоний фаоллик эса ундан-да фойдали бўлиб, бу ўлим эҳтимолини 36 фоизга камайтиради. Олимларнинг сўзларига кўра, югуриш, сузиш билан шуғулланиш ёки спортзалга қатнаш шарт ҳам эмас, шунчаки уйларни йиғиштириш ёки ишга пиёда боришнинг ўзи етарли бўлади. Агар тавсияларга ҳамма риоя қилса, у ҳолда ҳар етти йилда 8 фоиз ўлим ҳолатларининг олдини олиш мумкин бўлади.
Манбага кўра, Жаҳон соғлиқни сақлаш ташкилоти 18-64 ёшдаги кишиларга ҳар ҳафта камида 150 дақиқани меъёрий жисмоний фаолликка ва икки кунни мушакларни мустаҳкамловчи машқларга қаратишни тавсия қилишмоқда.
Манба: Kun.uz “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рақобат қўмитаси биржада Аи-80 бензини бошланғич нархига чеклов ўрнатди
Шавкат Мирзиёев: “Фаластинлик болалар ва аёлларни беғараз даволашга тайёрмиз”
НАТО бош котиби Украинанинг фронтдаги аҳволи ёмонлашганини тан олди
Ҳар қандай катта ёшдаги киши етук эмас
Боррел ЕИнинг Исроил билан мулоқотини тўхтатишни таклиф қилди
Блинкен Исроилдан учта муаммони ҳал этишни талаб қилди
Эрдўғон Туркия Исроил билан алоқаларини узганини маълум қилди
Анчелотти: “Реал”да катта хатога йўл қўйдим. Бу менга катта дарс бўлди
