Холестериннинг кўпайиши саломатликка, хусусан, юрак-қон томир касалликларига олиб келиши мумкин. Организмда холестерин миқдори биз амал қиладиган ҳаёт тарзи ва истеъмол қиладиган маҳсулотлар билан боғлиқ. Cosmopolitan нашри холестеринни камайтириш хусусиятига эга маҳсулотлар рўйхатини тақдим қилди.
Зайтун мойи
Миллий таомлари зайтун мойи қўшиб тайёрланадиган мамлакатларда юрак касаллиги билан вафот этганлар сони камчиликни ташкил қилади. Зайтун мойи қондаги «ёмон» (паст зичликдаги липопротеин билан боғлиқ) холестеринни камайтириб, «яхши» (юқори зичликдаги липопротеин билан боғлиқ) холестеринни кўпайтиради, яъни қон томирлари деворларида бляшка (зарарланган қон томирлардаги холестерин бирикмаси) пайдо бўлишининг олдини олади.
Авокадо
Авокадо омега-3 ёғ кислотаси, калий ва лютеинга бой ҳисобланади. Ушбу маҳсулотни бир ой давомида истеъмол қилиш натижасида қондаги паст зичликдаги липопротеин сезиларли даражада камаяди.
Лосось гўшти
Лосось таркибида холестерин миқдорини меъёрлаштирувчи ва қон томирларда тромб пайдо бўлишини олдини олувчи катта миқдордаги омега-3 ёғ кислоталари мавжуд
Пиёз
Айниқса, қизил пиёз холестеринга қарши самарали восита ҳисобланади. У қон томирларни бляшкалардан тозалайди. Бир кунда яримта пиёз ейиш қондаги «яхши» холестерин 30 фоизга кўпайишига сабаб бўлади.
Ловия
Клечаткали маҳсулотлар холестерин сўрилишини тезлаштириш хусусиятига эга эканлиги билан юрак-қон томир саломатлиги учун аҳамиятли ҳисобланади. Донли маҳсулотлар клечатканинг асосий манбайи ҳисобланади. Тадқиқотларда аниқланишича, бир порция (тахминан 120 гр) ловия зарарли холестеринни 8 фоизга камайтиради.
Сули ёрмаси
Сули ёрмаси яна бир клечаткага бой маҳсулотлардан бири ҳисобланади. Тонгни сули ёрмасидан тайёрланган бўтқа билан қарши оладиганлар организмидаги холестерин миқдори назорат остида бўлади.
Куркума (зарчава)
Куркума атеросклерознинг олдини олувчи маҳсулотлардан бири ҳисобланади. Унинг истеъмоли жигардаги «ёмон» холестеринни парчалайдиган рецепторлар миқдорини кўпайтиради.
Соя
Соя оқсили ҳам «ёмон» холестерин миқдорини камайтириш хусусиятига эга эканлиги билан аҳамиятли. Уни ҳайвон ёғи ўрнига истеъмол қилиш қондаги холестерин миқдорини 20% га камайтиради. Бундан ташқари, соя жигарни ортиқча сафродан тозалаши, мукаммал антиоксидантлиги билан ҳам ўзига хосдир.
Бодом
Бодом юрак учун фойдали ва организмни энергия билан таъминловчи маҳсулот ҳисобланади. Бодомни ҳар куни оз-оздан истеъмол қилиш мумкин.
Қора шоколад
Қора шоколад юрак-қон томирларида учрайдиган касалликларда ижобий профилактика саналади. Бундан ташқари, шоколад кайфиятни кўтариб, мия фаолиятини яхшилайди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Медведев: Махсус ҳарбий операция учун қуролларнинг аксарияти Россияда ишлаб чиқарилади
Кипр ҳукумати россиялик ва украиналик миллиардерларнинг «олтин» паспортларини олиб қўйди
Ўзбекистонда онкологик касалликка чалинган аёллар бепул даволанади
Вирус UFC ни дунёга танитди
Британияда 3 та ҳарбий база узра УУА парвози қайд этилди
"Пахтакор"нинг ўйини мутахассис нигоҳида: "Менимча, ғалаба учун эмас, бир очкони сақлаб қолиш учун ўйнади"
Асир: Украина аскарлари отишни интернетдаги видеолар ёрдамида ўрганишади
БААда исроиллик раввин ўлдирилиши юзасидан Ўзбекистон томони баёнот берди
