Бир қатор крипто компаниялар, жумладан Шарплинк ва Форвард Индустриес, Русселл 3000 индексига киритилиши мумкин бўлган номзодларнинг дастлабки рўйхатидан жой олди. ФТSE Русселл провайдери томонидан эълон қилинган ушбу рўйхатда Gemini крипто биржаси ва Galaxy Дигитал хизмат кўрсатиш фирмаси ҳам қайд этилган. Русселл 3000 индекси АҚШнинг энг йирик 3000 та компаниясини кузатиб боради ва ундан жой олиш учун бозор капитализацияси камида 146,4 миллион УСД бўлиши талаб этилади. Бу ҳақда Cointelegraph.com хабар беради.
Шарплинк компаниясининг бозор қиймати 1,2 миллиард УСДни ташкил этади, бу эса унга Русселл 2000 индексига кириш имконини беради. Компания бош директори Хосепҳ Чаломнинг таъкидлашича, индексга аъзо бўлиш акциядорлар базасини кенгайтиради ва капитал бозорларига чиқиш имкониятларини кучайтиради. Шунингдек, Solana ғазнасига эга Форвард Индустриес ҳам 350 миллион УСДлик капитализацияси билан ушбу индексга муносиб кўрилмоқда.
Битмине Иммерсион Течнологиес ва Galaxy Дигитал компаниялари эса янада йирикроқ — Русселл 1000 индексига кириши кутилмоқда. Битмине капитализацияси 5,7 миллиард УСДдан ошган бўлса, Galaxy Дигитал 11,55 миллиард УСДлик кўрсаткич билан ушбу рўйхатга даъвогарлик қилмоқда. Бу уларни NVIDIA, Microsoft, Apple ва Google каби технология гигантлари билан бир қаторга қўяди.
Индексларга киритилиш компаниялар учун катта муваффақият ҳисобланади, чунки кўплаб фаол ва пассив фондлар, жумладан ЭТФлар, одатда индекс таркибидаги акцияларни сотиб олади. ФТSE Русселл рўйхатни июн ойи давомида янгилаб боради ва янгиланган индекслар 26-июн куни АҚШ биржа бозорлари ёпилгандан сўнг расман кучга киради.
“Zamin”ни Telegram'да ўқинг!
